Avant 8 onns ha ella emprendì d'enconuscher ses José en ina bar a Barcelona, questa stad ha il pèr Sursilvan/Chilen maridà en patria da la spusa a Ruschein ed uss sin la fin da l'onn spetgan els lur emprim uffant.
Nus avain ditg ponderà da far quest pass, la finala sun jau 36 ed el 44 onns.
Enfin ussa hajan els vivì ina vita fitg independenta cun gronda libertad, ma els sajan sa decidids sapientivamain per questa midada che vegnia ad esser per els dus ina gronda sfida.
Dapi quatter onns viva Cornelia Vinzens a Barcelona, nua che ses um maina in'ustaria amez la citad. Ella sezza lavura sco fotografa, architecta d'interiurs e scenografa en Spagna ed en Svizra. Grazia a sia lavur en Svizra sajan els vegnids finanzialmain sur las rundas quest ultim onn da pandemia, che saja stà tut auter che simpel.
Ir sin viadi e cumbinar quai cun far fotografias e videos – quai èn mes projects preferids.