Siglir tar il cuntegn

Purtrets En memoria a «The Voice» Frank Sinatra

Frank Sinatra avess ils 12 da december ses 100avel anniversari: el era in dals pli gronds entertainers, chantadurs ed acturs dals onns 1940, 50 e 60.

Legende: Audio 100 onns Frank Sinatra abspielen. Laufzeit 59:30 Minuten.
59:30 min, Las perlas dals 11.12.2015.

Frank Sinatra è naschì ils 12 da december 1915 a New Jersey sco figl d’immigrants talians. La carriera da Frank Sinatra ha cumenzà durant il temp dal swing en ils orchesters da Harry James e Tommy Dorsey. El chantava gugent ensembel cun Dean Martin e Sammy Davis Jr. ed ha gì hits mundials e semperverds eterns sco per exempel Strangers in the Night, My Way e New York, New York.

«Sinatramania»

Frankie Boy, sco el vegniva er numnà, è stà gia ils onns 40 in che muventava las massas, chaschunond veritablas extasas tar ses public prevalentamain giuven e feminin, in moviment che vegniva numnà quella giada «Sinatramania».

Sinatra il superstar

Ils onns 45 e 46 ha Frank Sinatra per exempel chantà tar 160 shows da radio, ha gì 36 sessiuns da discs ed ha er gì rollas en quatter films. In veritabel supertstar da quels onns. Durant sia carriera d‘actur ha el fatg pli che 50 films: uschia tranter auter films sco 4 for texas, Ocean’s eleven u From here to eternity, nua ch’el ha schizunt survegnì l’Oscar sco meglier actur secundar.

Relaziun cun la Mafia?

La vita privata da Sinatra è stada segnada da turbulenzas: uschia per exempel sia relaziun cun la Mafia che è stada virulenta enfin ils onns sessanta, dentant ch’ins n’ha mai propi pudì verifitgar. Pli transparent è stà ses engaschament politic. Ses sustegn da las elecziuns da president Kennedy, ses sustegn per il cumbat social da Martin Luther King, e sia vieuta vers il conservativ Ronald Reagan pli tard. Sinatra è sta marida pliras giadas, ed el ha 3 uffants: Nancy (cun ella ha el era chantà «something stupid», Frank jr. e Tina.

«The Voice»

Frank Sinatra è mort ils 14 da matg 1998 a Los Angeles. Durant sia lunga carriera ha el fatg 59 albums ed anc pli impurtant 300 singles. En tut ha el vendi 150 milliuns discs.Pervia da ses stil da chantar marcant vegniva el numnà: «The Voice» ed er «Ol’ Blue Eyes».