Siglir tar il cuntegn
Inhalt

Festivals SUNS Sardigna 2015 - Il festival da musica da linguas minoritaras

Gia per la 7avla giadaè vegni organisà il festival da musica per linguas minoritaras da la regiun mediterrana e da las alps. Questa giada è el sta tar la minoritad dals sards a Cagliari, en Sardegna.

La Rumantschia vegn represchentada da «Me & Marie».
Legenda: La Rumantschia vegn represchentada da «Me & Marie». RTR, F. Tuor

«Me & Marie» gudognan SUNS a Cagliari

En tut han quest onn sa participà 10 furmaziuns al festival da linguas minoritaras SUNS. Ellas han chantà per occitan, sard, ladin, furlan e rumantsch. La Rumantschia è vegnida represchentada da «Me & Marie». La gruppa rumantscha ha gudagnà il premi per la meglra performance ed è uschia sa qualifitgada per il final SUNS Europe ch'è ils 11 da december ad Udine.

L'origin dal festival

L’entira istorgia aveva cumenzà il 2009 ad Udine en il Friaul. Il festival da musica per linguas minoritaras da la regiun mediterrana e da las alps ha lasuenter cuntinuà mintg’onn, adina puspè tar in’autra minoritad. Il 2011 è el er stà en terra rumantscha, precis a Falera. Quest onn vegn il festival organisà tar la minoritad dals sards a Cagliari en Sardegna.