Siglir tar il cuntegn

Header

cuntegn

Festas da musica Festa chantunala da musica a Cuira 2013

Amaturas ed amaturs da la musica da sturs dal Grischun e conturn èn s'inscuntrads dals 7 fin ils 9 da zercladur 2013 a Cuira per la 27avla Festa chantunala da musica. Igl è vegnì sunà en differents lieus, marschà ed era vegnì fatg festa.

Cuntents cun la festa

Tut en tut hajan var 10’000 persunas visità la festa chantunala da musica. Uschia il president dal comité d'organisaziun Franz Tscholl, ch’è cuntent cun la festa.

L'unic dagut d’amarezza saja ch’il grond cortegi tras la citad da Cuira haja stuì vegnir ditg giu.

RTR ha registrà tut las producziuns ed emetta quellas en differentas emissiuns. Tut quai pudais vus era guardar e tadlar sin questa pagina. Ultra da quai datti qua da vesair ina sequenza da tut las musicas ch’èn sa participadas a la concurrenza da marschar.

La Televisiun Rumantscha mussa en ils Cuntrasts ina survista da la 27avla Festa chantunala da musica a Cuira. Nus preschentain las musicas da Falera, Ftan, Salouf Mon Stierva e la Musica da giuvenils da Cuira. Tranter auter discurra noss moderatur Otmar Seiler cun Franz Tscholl - il president dal comité d’organisaziun, cun Robert Casanova - il president da l’Uniun chantunala da musica e cun Roman Caprez - il president da la cumissiun da musica chantunala.

video
27. Kantonale Musikfest Graubünden in Chur
Or da Cuntrasts dals 09.06.2013.
laschar ir. Durada: 21 minutas 13 Secundas.

Concurrenza da marschar

RTR ha registrà tut las musicas ch’èn sa participadas a la concurrenza da marschar. In link tar las differentas sequenzas da mintga musica chattais da vart dretga.

Victurs da las differentas spartas

RTR ha registrà las producziuns concertantas dals victurs en las differentas spartas. Ils Artgs musicals portan las producziuns dals victurs en la sparta Brass Band, ils victurs en la sparta Harmonia ed era ils victurs en la sparta Fanfare mixt.

Brass Band Sursilvana stat si en gruppa cun lur instruments.
Legenda: Brass Band Sursilvana. mad

Plinavant purtain nus era las producziuns concertantas da las musicas che han fatg 180 puncts e dapli, ma che han betg gudagnà. E lura datti era anc las producziuns da las musicas rumantschas a travers las categorias.

Impressiuns musicalas e divers discurs

75 furmaziuns (45 grischunas e 30 estras) èn stadas preschentas a la festa a Cuira. L’Artg musical spezial ch'è vegnì emess sonda, ils 08-06-2013 da las 16.00

Musicants en giaccas cotschnas e cun chapella, che sunan durant marschar atras ina via da la citad da Cuira.
Legenda: Impressiun da la Festa chantunala da musica 2013 a Cuira. RTR, A. S. Campell

directamain da la staziun d'autos da posta porta impressiuns da la festa, emprimas producziuns concertantas (tocs da patg e da pensum) e divers discurs cun musicantAs, dirigentAs ed ils uffizials da l'Uniun chantunala da musica dal Grischun. E l'Artg musical da dumengia, ils 09-06-2013 da las 14.00 porta impressiuns musicalas, divers discurs cun musicantAs, dirigentAs ed ina emprima bilantscha.

Producziuns libras da 9 musicas a la staziun d'autos da posta

Ils musitcants da la Musica instrumentala Salouf Mon Stierva, che sunan sin sutgas da lenn davant in auto da posta mellen.
Legenda: Producziun libra da la Musica instrumentala Salouf Mon Stierva. RTR

"Las instrumentalas" dal Radio Rumantsch portan impressiuns musicalas da la 27avla Festa da musica chantunala a Cuira. RTR ha registrà las producziuns libras da 9 musicas a la staziun d'autos da posta.

Pervia da la plievgia nagin cortegi

Foto da 3 musicants davos en che sunan en la plievgia. Davostier vesa ins aspectaturs en giaccas da plievgia e cun parisols.
Legenda: Pervia da la plievgia nagin cortegi. RTR, A. S. Campell

Il cortegi da la festa chantunala da musica a Cuira è vegnì ditg giu pervia da la plievgia. Ils ins èn cuntents e chapeschan quella decisiun dal comité d'organisaziun - ils auters èn in zichel dischillus ed han tuttina dà pitschens concerts sin plazzas a Cuira.

Impressiuns d'in dals concerts spontans

Flavio Tuor è l’emprima giada sco dirigent a la festa

Flavio Tuor da Rabius è per l’emprima giada ad ina festa chantunala da musica sco dirigent. La musica ch’è sut sia batgetta n’è anc mai stada ad ina festa chantunala,

Flavio Tuor che dirigia la musica da Trun/Rabius en ina halla da gimnastica.
Legenda: Societad da musica Surrein/Rabius cun lur nov dirigent Flavio Tuor. RTR, A. S. Campell

la societad da musica Surrein/Rabius - questas duas musicas han numnadamain fusiunà. E l’atun passà ha Flavio Tuor surpiglià la funcziun da dirigent. Nus avain dumandà davart las preparativas e co ch’i stat cun la gnervusadad curt avant che la festa cumenza. Plinavant avain nus lura accumpagnà el e sia musica tar e durant la festa a Cuira.

Impressiuns dals 09-06-2013 da la Festa chantunala a Cuira

Ultimas preparativas per la festa chantunala da musica (07-06-2013)

video
Vorschau Kantonales Musikfest
Or da Telesguard dals 07.06.2013.
laschar ir. Durada: 2 minutas 18 Secundas.

Anc chattà avunda voluntaris

Ils organisaturs da la 27avla festa chantunala da musica a Cuira han chattà avunda voluntaris che gidan els tar la festa. Quai suenter ch’els avevan tschertgà la fin matg anc voluntaris sin lur pagina d’internet.

Artitgels legids il pli savens