Siglir tar il cuntegn
Inhalt

Chant au tour Chant au tour 2014

Tge capita sche la clarinetta da Pius Baumgartner sa schluita en ina chanzun da Pascal Gamboni? Co tuni sche Mario Pacchioli ha davos el in quartet da jazz? E tge sensaziuns procura la musica d’Ursina, sch’ella vegn decorada dals tuns dal cello da Cristina Janett u da la flauta da Selina Derungs?

Da sanester: Ursina, Pascal Gamboni, Mario Pacchioli, Bibi Vaplan, Tartaruga, Chadafö ed Astrid Alexandre.
Legenda: Da sanester: Ursina, Pascal Gamboni, Mario Pacchioli, Bibi Vaplan, Tartaruga, Chadafö ed Astrid Alexandre. RTR

Inscunters – Chant au tour

La clarinetta da bass da Gian Carlo Simonelli che dat il funs ad ina chanzun da Pascal Gamboni, la ghitarra da jazz dad Andi Schnoz per «Il suitger» da Gion Cadieli interpretà da Mario Pacchioli u lura il rockadur Chadafö en cumpagnia dal cello classic da Cristina Janett – durant ils concerts da chant au tour 2014 èn sa scuntrads set chantauturs e chantaturas rumantschas cun musicists ord las spartas classica, jazz e musica populara. Il resultat: novs suns per chanzuns novas ed enconuschentas, collavuraziuns spiertusas e bler plaschair da giugar e sunar.

Popular, jazz e classic - tut è pussibel!

Igl è in experiment interessant – set chantauturs chantan lur chanzuns durant plirs concerts. La sfida – adina novs musicists accumpognan els. Ina giada musicists da la musica populara, lura dal jazz e sco ultim suondan ussa ils concerts cun musicists ord la musica classica. Gieri Maissen è in da quels musicists classics – el è pianist. Nus avain visità el durant in’emprova per il proxim concert ed avain vulì savair nua che la sfida è per el. Er Astrid Alexandre e Pascal Gamboni raquintan en quest’emissiun da lur experientschas cun la turnea Chant au tour 2014 e daco che na betg tut ils stils da musica èn tuttina adattads per in tal experiment.

Astrid Alexandre e Gieri Maissen durant in'emprova per il proxim concert da Chant au tour.
Legenda: Astrid Alexandre e Gieri Maissen durant in'emprova per il proxim concert da Chant au tour. RTR, E. BERTHER