Siglir tar il cuntegn

Header

audio
Braida Pinggera – Pass per pass chatta mintgina sia via
Or da Profil dals 24.09.2022. Maletg: RTR, Anna Caprez
laschar ir. Durada: 56 minutas 43 Secundas.
cuntegn

Braida Pinggera da Sent Pass per pass chatta mintgina sia via

Braida Pinggera lavura dapi 12 onns tar la Viafier retica, actualmain en Engiadina Bassa. Là nua ch’ella ha gia fatg l’emprendissadi sa sentia la Sentinra simplamain bain. La figlia da purs è colliada ferm cun sia famiglia ed ama sia patria. Quella giauda ella er faschond differents sports ora en la natira. Ultra da quai cuschina el fitg gugent sezza.

dunna che taglia verdura
Legenda: Braida Pinggera cuschina gugent cun rauba frestga e regiunala. mad Mayk Wendt

En la vegliadetgna da 22 onns è sa sviluppada tar la dunna sportiva in disturbi da nutriment, l’uschenumnà «Binge Eating Disorder».

Ti has attatgas nua che ti mangias senza fin. Ti na sas betg pli cura che ti has fom u cura che ti has avunda.
Autur: Braida Pinggera Sent

Binge Eating Disorder

Avrir la box Serrar la box

Umans cun in disturbi da «Binge Eating» pateschan adina puspè d'attatgas da stuair mangiar. Els èn buns da consumar grondas purziuns da tut las differentas spaisas ed han il sentiment da perder la controlla da lur cumportament da mangiar. L'expressiun englaisa «Binge Eating» stat per in mangiar excessiv e smesirà.

Suenter avair fatg pliras terapias senza success, è ella sa decidida da s’occupar sezza dal disturbi. Quel ha ella entant superà ed ha instradà silsuenter ina scolaziun da trais onns sco cussegliadra e terapeuta da nutriment.

Pir cura ch'jau sun propi stada or dal disturbi, hai jau empermess a mai sezza da vulair gidar persunas ch'èn en la medema situaziun sco jau era.
Autur: Braida Pinggera terapeuta da nutriment, Sent
dunna che sesa avant in pc
Legenda: Dapi quest onn cusseglia la Sentinra clientas e clients che dovran agid tar lur nutriment. mad Mayk Wendt

Dapi quest onn lavura Braida Pinggera cun in pensum da 70% tar la Viafier retica. Daspera ha ella in’atgna pratica en Engiadina Bassa, ch’ella maina ensemen cun in'amia che porscha tractaments d’ipnosa.   

RTR Profil 09:00

Artitgels legids il pli savens