Siglir tar il cuntegn

Header

La Stubete am See 2021
Legenda: La Stubete am See 2021 MAD / Segl Turissem
cuntegn

Artg Musical La Stubete am See a Segl

La «Stubete am See» a Segl é in’occurrenza nova cun musica populara da tut ils geners. Cun furmaziuns sco Appenzeller Echo, Rampass, Sulp, Topf, Evelyn e Christina Brunner e la chapella Nogler.

La «Stubete am See» ch'è mintg’onn la fin d’avust a Turitg è in dals inscunters impurtants per amias ed amis da la musica populara. Quest eveniment ha survegnì cumpagnia. Dals 15 als 17 d’october è stada er a Segl in Engiadina ina Stubete am See.

L’emprima ediziun da l’onn passà ha stuì vegnir annullada l’ultim mument. La situaziun da corona era memia malsegira. Quest atun èn las premissas stadas bunas ed uschia hai dà almain in eveniment redimensiunà. Sin in program: blera musica populara cun 7 furmaziuns cun in vast spectrum: da sauts tradiziunals ed innovativs fin tar tuns surprendents ed improvisaziun. Las furmaziuns da tut la Svizra han preschenta musica cun gronda variaziun e blers instruments, dal orgelet al arpet e da l’ukulela a la tiba.

Il program da quests trais dis: divers concerts sin palcs en hotels e quatter represchentaziuns en la chasa da scola Champsegl. Questas avain nus registrà per preschentar en l’Artg musical. Oz udis ils concerts da dus furmaziuns da vaglia, dal Appenzeller Echo e da Rampass.

Rampass, musica genuina en stil innovativ

Questa furmaziun dal chantun Sviz è ina da las meglras e pli interessantas da la musica populara nova. Lur fundament è la musica tradiziunala dal chantun Sviz, ils sauts da cumponists sco Balz Schmidig, Stumpä Seebi, Rees Gwerder e Martin Nauer u er lur agens, adina preschentà cun grond entusiassem e perfecziun. Lura udis lur concert da la dumengia, ils 17 d’october, en la chasa da scola Champsegl. Sin il palc: Reto Kamer, clavazin – Sepp Huber, cuntrabass – Markus Fückiger e ses figl Dominik al orgelet. Ils student da musica populara da 24 onns ha sunà per l’emprima giada cun Rampass, ed el ha fatg quai a moda suverana ed ha er pudì preschentar diversas da sias cumposiziuns.

audio
La Stubete am See a Segl cun il concert da Rampass
57:55 min, Artg musical dals 28.11.2021.
laschar ir. Durada: 57:55 minutas.

Appenzeller Echo, tradiziun, folclora internaziunala e perfecziun

Er durant la segunda part dal Artg datti musica da la «Stubete am See» a Segl. Ils 16 d’october avain nus registrà il concert dal trio Appenzeller Echo e ses tuns da violina, arpet ed accordeon. Commembers da questa chapella sun ils frars Josef e Benjamin Rempfler e Walter Neff al cuntrabass. Els fan musica tradiziunala en stil Appenzellais, sunan er cun l'accordeonist excepziunal Goran Kovačević – però els chantan er e savens datti er elements da la folclora d’auters pajais: in czardas ubain in valzer da Vienna e mintgatant er lur versiuns da semperverds da la musica da pop.

audio
Il Appenzeller Echo a la Stubete am See a Segl
55:14 min, Artg musical dals 28.11.2021.
laschar ir. Durada: 55:14 minutas.

Artitgels legids il pli savens

Scrollar a sanestra Scrollar a dretga