Siglir tar il cuntegn

Header

audio
Grond Premi Vignogn – part 1
Or da L'instrumentala dals 18.05.2022.
laschar ir. Durada: 1 minuta.
cuntegn

Artg musical / Instrumentala Grond Premi da Vignogn: Format simpatic

La Societad da musica da Trun gudogna il premi principal avant Suraua e Sagogn. L'uniun da musica Sagogn ha er gudagnà il premi da la giuria per avair sunà il meglier marsch. Per il public en halla a Vella ha la Musica da Glion sunà il meglier marsch.

La concurrenza da divertiment è per uschè da dir il sulet ch'è restà da la Festa districtuala da musica da la Surselva l'onn 2020. La societad da musica Vignogn ha vulì organisar questa festa er en connex cun ses agen giubileum da 100 onns. La pandemia da corona ha però fatg in grass stritg tras il quint. Suenter duas giadas spustar ha il virus la finala sfurzà ils responsabels da stritgar la festa districtuala dal tut.

Senza festa n'ha la musica da Vignogn dentant betg vulì festivar ses centenari. Il settember 2021, a chaschun da la Pardanonza, è la musica sa preschentada al vitg en uniformas novas e cun instruments novs ch'èn vegnids cumprads per il giubileum.

Il GP Vignogn

La gronda festa d'anniversari ha la Societad da musica Vignogn prendì suenter a Vella cun la concurrenza dal GP Vignogn: il Grond Premi Vignogn. Igl è ina concurrenza da musica da divertiment. La Musica Greina Vrin, la Musikgesellschaft Vals, la Musica da Glion, las societads da musica Lumbrein, Suraua, Trun e l'Uniun da musica Sagogn han cumbattì per il titel.

Igl è ina concurrenza da musica da divertiment senza categorias da fermezza, tuttas societads da musica sunan en la medema categoria. Las producziuns da las singulas musicas na dastgan betg durar pli ditg che 15 minutas. Il program da las musicas ha stuì cuntegnair almain in marsch.

I ha dà ils suandants titels:

  • il meglier il marsch dal di (tenor ina giuria professiunala)
  • il meglier il marsch dal di (tenor il public)
  • victur dal di per la meglra prestaziun cumplessiva (30% valitaziun tenor la giuria professiunala e 70% tenor la valitaziun dal public)

Ils programs da las musicas

Avrir la box Serrar la box

Societad da musica Lumbrein

Junggesellenpolka (V. S. Avsenik)
Im Lärchenwald (Jakob Bieri)
Marsch: Casaulta (Oscar Tschuor)
Ein Abend am See (Hans Stranner, arr. Norbert Capeder)
Arkansas-Dixie (Hans Hartwig)
dirigent: Norbert Capeder

Musica da Glion

Marsch: Arnhem (A. E. Kelly)
Erin Shore (arr. Steven Ponsford)
solist: Robert Schnider, cornet
I will follow him (Stole, Del Roma, Gimbel, Altman, arr. Jan van Kraeydonck)
079 (Lo & Leduc, arr. Jan Müller)
dirigent: Daniel Kollegger

Uniun da musica Sagogn

Through the Flames (Paul Lovatt-Cooper)
Marsch: The Champions (G. H. Wilcox)
In pign regal (Marie Louise Werth, arr. Corsin Tuor)
Tocata en d-moll (J. S. Bach, arr. Ray Farr)
dirigent: Stefan Roth

Societad da musica Suraua

Marsch: Front and Center (Pat Lee)
Bella Ciao (arr. Tom McAllen)
Böhmischer Traum (Norbert Gälle, arr. Siegfried Rundel)
Tulpen aus Amsterdam (Ralf Arnie, transcripziun Sandy Smith, arr. Christoph Walter)
dirigent: Simon Gartmann

Musica Greina Vrin

The last of the Mohicans (Trevor Jones, arr. Frank Bernaerts)
Marsch: Urba (Françis Bernard)
Bohemian Brass Polka (Adam Hudec)
Crocodile Rock (Elton John & Bernie Taupin, arr. Alan Fernie)
dirigent: Corsin Alig

Musikgesellschaft Vals

Marsch: Juventas-Marsch (Peter Fihn)
Dixie Night by the riverside (arr. Adrian Falk)
Country roads (arr. Johnny Ocean)
Maiteli wenn du witt go tanze (arr. Derek Broadbent)
dirigent: Simon Garmtann

Societad da musica Trun

A Trun sut igl ischi (Ignaz Heim, arr. Corsin Tuor)
Marsch: The Bombardier (T. J. Powell)
Concerto de Aranjuez (Joaquín Rodrigo)
solist: Michel Derungs, trumba
Pastime with good company (arr. Stephen Roberts)
dirigent: Adrian Degonda

Ils victurs

La musica che ha fatg la meglra impressiun da l'entira producziun è stada la Societad da musica da Trun ed ha uschia gudagnà il titel. Sin plazza dus èn ex aequo l'Uniun da musica Sagogn e la Societad da musica Suraua.

Ils titels per avair sunà il meglier marsch van a la Musica da Glion (tenor giudicament dal public) ed a l'Uniun da musica Sagogn (tenor il giudicat da la giuria professiunala, Rafael Camartin e Fabian Bloch).

Per las societads participantas sco era per l'organisaziun è quai stà ina nova furma da concurrenza cunquai ch'i è stà giavischà che las musicas sa preschentan cun elements da «show», pia cun coreografias u effects. Il president dal comité d'organisaziun, Curdin Foppa sa mussa satisfatg dal GP Vignogn:

audio
Curdin Foppa: «Sun tut commuventà»
ord Artg musical dals 16.05.2022.
laschar ir. Durada: 21 Secundas.

Ord la situaziun in zic deprimenta cun stuair spustar e la finala dir giu la festa districtuala, hai dà ina nova moda creativa da far festa. Quai è eventualmain era in format per festas da giubileums u schizunt per proximas festas da musica. Davart il program da divertiment dal GP è Curdin Foppa dal maini ch'i saja stà in'entschatta:

Nossas musicas n'èn betg uschè disadas da far show. Ma ins ha vis blera creativitad e quai è ina buna entschatta e dat nov schlantsch.
Autur: Curdin Foppa president dal comité d'organisaziun

Era Remo Derungs (dirigent da la Societad da musica Vignogn e responsabel per il GP) è satisfatg da las prestaziuns a chaschun da la concurrenza. Ins haja vesì interessantas producziuns e mintga societad haja empruvà d'integrar elements da show. El saja dal maini che las musicas partizipantas hajan fatg quai grondius.

Instrumentala ed Artg musical

RTR ha registrà las producziuns da las societads da musica participantas cun video ed audio.

audio
Grond Premi Vignogn – part 2
ord Artg musical dals 22.05.2022.
laschar ir. Durada: 57 minutas 1 Secunda.

Ils videos da las producziuns datti er da guardar sin PlayRTR, HbbTV e sin youtube.

RTR Artg musical 14:00

Artitgels legids il pli savens

Scrollar a sanestra Scrollar a dretga