Hans Fischer, naschì il 1903, ha gì grond success sco impressari ed um d’affar, ed el è sta zunt innovativ. Il 1925 ha el funda in' intrapraisa da taxi, ed il 1931 ha el fatg in grond pass, cur che la regenza ha aboli il scumond da camiuns en il Grischun. Cun in Opel Blitz ha el cumenza a far transports e bain spert è sia firma creschida ad in crescher. Ozendi è quai in'interpresa cun 100 camiuns.
Hans Fischer, il musicant e cumponist
Sco impressari da transport ha el stgaffi ina gronda firma. Però el aveva anc in'autra gronda passiun. Hans Fischer è ina da las figuras legendaras da la musica populara grischuna. In original, grond musicant e cumponist che vegniva er numnà il «Grossmufti». El ha cumponì passa 200 sauts, ha sunà cun Luzi Brüesch ed ha fundà il 1939 sia chapella Calanda. Il 1983 ha el lura survegnì sco emprim musicant grischun la clav da violina d’aur, la distincziun la pli impurtanta da la musica populara svizra.
Perlas or da noss archiv
En l’emissiun dad oz tadlain nus divers da ses sauts enconuschents , registraziuns istoricas e vaira exclusivas. Dals onns 1940 datti tocs cun sia chapella Calanda. Anc pli veglias, dal 1929, èn in per registraziuns da la chapella da Luzi Brüesch, cun il giuven Hans Fischer al accordeon.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.