L’emprima part da l'Artg musical è deditgadà a la saira da cumpagnia ch'è stada a l'occasiun da la radunanza generala da la SRG.R, l’uniun purtadra da Radiotelevisiun Svizra Rumantscha che po festivar quest on ses 75avel anniversari.
Sin il palc: Gianni Tschenett e sia band «Oak Street», cun Silas Lügstenmann, Dominique Ackermann e Daniel Duschletta. Gianni Tschenett ha cumenzà a far musica cun set onns, ha suna en differentas bands, e cun la furmaziun «Airo» è el riva en il final dal bandXost dal 2018. In onn pli tard ha el lura gudagnà ina registraziun per il Top Pop Rumantsch da RTR – ed il resultat è stà la 48avla ediziun cun titel «Tschêl blov».
Lura ils «Sad Pumpkins» da Niculin Janett e Noam Szyfer, che preschentan chanzuns dal American Songbook en lur stil tut agen – e per cumenzar «Ursina» e ses trio, quai èn la chantautura Ursina Giger, accumpagnada da Florian Egli e Maxime Paratte.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.