L’avrigl 1536 èn avat Martin Winkler (oriund dal Scanvetg) e trais paders sa decidids da daventar refurmads. Sin quai han els stuì bandunar la claustra da Mustér. Ils trais paders han surprendì plaivs refurmadas, tranter auter quella da Trin e quella da Tavau.
Cuntrafatg al celibat, stuì maridar e convertir
L'avat Martin Winkler ha gì tut atgnas raschuns per far quel pass. Ses motiv saja stà ch’el haja cuntrafatg al celibat, raquinta Iso Müller sa basond sin il cronist Bundi. Ils parents da la dunna hajan sfurzà l’avat da maridar ella e da midar confessiun. L’avat Winkler ha fatg quai. El haja survegnì ina pensiun e saja ì a star sin in bain puril a Glion.
Fundà la lingia da Mustér
Entant che quest avat è sa rendì da Mustér a Glion, è in auter ì da Glion a Mustér: Hans Christian de Castelberg. El ha fundà la lingia da Mustér, perquai ch’el ha bandunà Glion, cura che questa citad è daventada refurmada. Ils de Castelberg han fatg carriera en la Cadi sco chau-lia, mastrals, avats ubain uffiziers en servetsch ester.
RR actualitad 11:00