Siglir tar il cuntegn

100 onns Tista Murk Tgi era Tista Murk?

Tista Murk pudess festivar quest onn ses 100avel anniversari. Naschì il 1915 a Müstair, mort il 1992 a Trun. Tista Murk? Gea, tgi era atgnamain Tista Murk?

Legenda: Guardar il video ««Il pionier» (12.04.2015) – mit deutschen Untertiteln». Durada 26:00 minutas.
Or da Cuntrasts dals 12.04.2015.

Glieud en ina vegliadetgna pli madira sa regorda anc bain da questa persunalitad rumantscha enorm engaschada e carismatica, sa regorda forsa surtut anc da sia emissiun da radio «Viagiond cul microfon». Glieud pli giuvna sa dumonda però: Tgi era Tista Murk?

Legenda: Guardar il video «Svizra Rumantscha: Il barun da Planatsch». Durada 29:00 minutas.
Dals 02.11.1986.

Activist rumantsch

Da dar ina resposta simpla sin questa dumonda è grev, perquai che Tista Murk era bler enina: El era poet, autur da teater, reschissur, editur, fundatur dad uniuns, redactur da radio, redactur da televisiun, bibliotecar, lobist per il rumantsch, in Jauer interessà ed engaschà. Quai è fitg bler e probabel n’è quai anc ditg betg tut. L’autur Gion Deplazes ha tutgà il meglier la noda cun circumscriver ina giada Tista Murk en in artitgel sco «grond activist romontsch el bien senn dil plaid». Tista Murk ha vairamain activà la lingua rumantscha ed ils Rumantschs sin plirs champs. E surtut ha el adina fatg quai sur tut ils cunfins idiomatics ora.

In grond activist romontsch el bien senn dil plaid
Autur: Gion Deplazes

Tista Murk (1915-1992)

15 d’avrigl 1915naschì a Müstair
1922-1927scola primara a Müstair
1927-1935gimnasi a Mustér e Sarnen
1936-1940studi universitar a Friburg, Berna e Paris
1940-1942servetsch activ
1942maridà a Mathilde Gafner, trais uffants (Schimun, Jöri e Clergia)
1942-1944autur e schurnalist liber a Berna
1945-1946lavur tar il Dicziunari Rumantsch Grischun
1946-1958bibliotecari tar la Biblioteca chantunala dal Grischun
1958-1968redactur tar il radio e la televisiun rumantscha
1969-1980directur da la Biblioteca populara svizra
1980pensiun
18 d’avust 1992mort a Trun

Occurrenzas en regurdientscha da Tista Murk