Siglir tar il cuntegn

Header

Foto da l'acziun
Legenda: RTR
cuntegn

«RTR racolta» Cun guants e microfon al puls da la racolta

En il rom da «nossa cuschina indigena» rapporta RTR mintgamai las mesemnas dal settember e da l'october da differents lieus nua ch'i vegn cultivà, lavurà e racoltà.

L’atun è bler memia bel per sa serrar en cuschina e star davos las chazzettas. Perquai va RTR en differentas parts dal Grischun nua che la racolta da differents products capita. I na vegn betg sulettamain rapportà dal lieu, mabain era fatg tschuf ils mauns per gidar tar la racolta.

audio
Gaby Degonda e Georgina Janki decleran lur acziun
ord Actualitad dals 06.09.2022.
laschar ir. Durada: 8 minutas 23 Secundas.

Las moderaturas Gaby Degonda e Georgina Janki sa mettan a la lavur per la racolta, ellas gidan als producents tar ils differents process da lavur e rapportan live dal lieu al radio RTR.

A Müstair a chavar tartuffels

video
Racolta da tartuffels a Müstair
Or da RTR Social dals 21.09.2022.
laschar ir. Durada: 59 Secundas.

Sin l’er da tartuffels da Jon Jachen Flura a Müstair vegn actualmain fatg lavur da racolta. Igl è il temp nua ch'ins po prender ord la terra la lavur dals ultims mais e tegnair enta maun ils tartuffels. Jon Jachen Flura cultivescha tartuffels sin plirs champs che dattan ensemen da quai da 3 hectaras. Las sorts ch'el racolta èn differentas, era da diversa consistenza. Tar nossa visita a Müstair essan stads cun tractor e maschina speziala sin il champ cun la sort Jelly. In tartuffel mellen da consistenza dira (feskochend). Dentant stuì constatar, che la paletscha vegn megna svelt davent, tgei che munta ch'ils Jelly's ston anc star in pau en la terra.

audio
Jelly - Agria - Laura - Desiree - lur qualitads e preferientschas
ord Actualitad dals 23.09.2022.
laschar ir. Durada: 4 minutas 52 Secundas.

Nus avain dischlocà nossa lavur sin il champ dals tartuffels cun il num Laura. Quist tartuffel è da consistenza mez dira e sia paletscha è cotschna. Quella sort pronta per racoltar. Era sche la racolta gronda tar la Flura Agrar cumenza pir a partir da l'emna che vegn, quinta Jon Jachen Flura cun ina racolta media da buna qualitad. Da quai dad 80 tonnas tartuffels dastgassi dar quest atun.

audio
RTRacolta da tartuffels a Müstair
ord Nossa cuschina dals 28.09.2022.
laschar ir. Durada: 4 minutas 52 Secundas.

Ina gronda part va en la vendita directa e resta en la regiun. Ma ina part dals tartuffels da Jon Jachen Flura sa tschentan era en stizuns e tar interpresas e partenaris en la Bassa.

Lavin: La pli auta plantascha d'artischoccas en l’Europa

video
Racolta d'artischoccas a Lavin
Or da Telesguard dals 14.09.2022.
laschar ir. Durada: 3 minutas 15 Secundas.

Gaby Degonda ha visità ils 7 da settember la plantascha d'artischoccas a Lavin.

    Program da «RTR racolta»

Suenter Lavin e Müstair suonda questa visita:

  • Ils 19 d'october en Bregaglia daventa la lavur da racolta lura pli spinusa. Cun guants giain nus a racoltar chastognas cun Ivana ed Andreas Engler per la vendita e per il festival da chastognas.

RTR racolta 10:15

Artitgels legids il pli savens

Scrollar a sanestra Scrollar a dretga