Nossa cuschina - Aur cotschen – amur e fascinaziun
Las mesemnas dal mais november ans declaran Claudia e Peider Michael da la cultivaziun, davart blera lavur a maun, ma era co els e lur uffants han piglià fieu per questa flur fragila cun ils fils d'aur.
In vegl proverbi di che baiver té da safran fetschia ventiraivel. Quai è vair! RTR n'ha betg sulettamain pudì baiver da quest té delizius, ma era pudì prender invista en la cultivaziun e la racolta da l'«aur cotschen» sin il bain puril da Claudia e Peider Michael a Donat. Igl è bain uschia che il safran ha ses origin en pajais dal Caschmir, Iran, Irac enfin tar la Spagna. Ma dapi 2014 ha il safran er chattà bun terren en Val Schons.
L’atun 2014 han Claudia e Peider Michael pudì far lur emprima racolta da safran, quai gist avant lur isch-chasa sin in er da 400 meters quadrats. Buns onns da racolta han ils Michaels dumbrà enfin 22'400 flurs. Quai èn passa 67 '000 fils da safran.
Igl è stà amur sin emprima vista. Tant la flur sco era la cultivaziun ans ha fascinà.
Durant il mais da november ans raschunan Claudia e Peider Michael da la cultivaziun, blera lavur a maun ma era co els han piglià fieu per questa flur fragila cun ils fils d’aur.
Pudair tegnair enta maun ils fils d'aur da questa bella flur violetta è la paja per tut las stentas.
Claudia e Peider Michael èn geniturs da trais uffants, Nicole 22, Patrick 19 e Mathias 16 onns. Sco i para è il safran ina producziun da famiglia, pertge tuts sa sentan responsabels per il success da la racolta.
Mia dunna è l'olma da la producziun da safran.
Tips e recepts co trair a niz l’aroma e la colur dals fils dorads che protan il sigil dal «Parc natiral Beverin», adina la mesemna en Radio RTR suenter las 10:15.
audio
Il fieu per l'aur cotschen – co tut ha cumenzà
07:24 min, ord Nossa cuschina dals 03.11.2021.
Maletg: Gaby Degonda
laschar ir. Durada: 7 minutas 24 Secundas.
audio
Plantà 1'500, racoltà 20'000 tschagulas
06:35 min, ord Nossa cuschina dals 10.11.2021.
Maletg: Gaby Degonda
laschar ir. Durada: 6 minutas 35 Secundas.
audio
La racolta da la flur da safran
05:05 min, ord Nossa cuschina dals 17.11.2021.
Maletg: Gaby Degonda
laschar ir. Durada: 5 minutas 5 Secundas.
audio
Conservar aroma e colur
07:02 min, ord Nossa cuschina dals 24.11.2021.
Maletg: Gaby Degonda