Nossa cuschina - Aur cotschen – amur e fascinaziun

1 / 19

Legenda: La flur «Crocus sativus» «Crocus sativus», la flur che porta en norma trais fils da safran. Gaby Degonda

2 / 19

Legenda: Fluras prontas per la racolta La racolta da safran è da fin october enfin mez november. MAD

3 / 19

Legenda: Las tschagulas en furma da trocla sut terra. Aifer trais onns sa multiplitgeschan las taschagulas sut terra. Gaby Degonda

4 / 19

Legenda: Ina tschavula da flur safran Ina plantina po purtar enfin quatter fluras da safran. Gaby Degonda

5 / 19

Legenda: Damain sulegl per la flur da safran. Ils fils da safran che restan en il sulegl, ristgan da daventar pli dirs e main aromatics. Gaby Degonda

6 / 19

Legenda: Ils trais fils d'aur Cun premura vegnan ils fils da safran tratgs or da la flur. Gaby Degonda

7 / 19

Legenda: Lavur a maun Strair ils fils da safran è lavur da dunna Claudia. Ella dumbra scadin fil per setgentar. Gaby Degonda

8 / 19

Legenda: Fils d'aur tar buna racolta Millis fils da safran pronts per setgentar avant che arcunar els en in lieu stgir. MAD

9 / 19

Legenda: Claudia e Peider Michael Hodel Quest onn è la raccolta da safran en retard. Lunas da la natira. Gaby Degonda

10 / 19

Legenda: Safran conservà en vaider Per mantegnair la qualitad e la colur dal safran sto ins conservar el en in lieu stgir e sitg. Gaby Degonda

11 / 19

Legenda: Product final per la cuschina. 250 mg safran, vegn conservà en ina stgatletta d'alumini per la vendita. Gaby Degonda

12 / 19

Legenda: Safran da la Val Schons Product final è pront per la vendita. Il safran da Donat porta il sigil «parc natiral Beverin». Gaby Degonda

13 / 19

Legenda: Terrassa da Donat Il bain puril da la famiglia Michael schai sin la bella terrassa sut il vitg da Donat. Gaby Degonda

14 / 19

Legenda: Té da safran Tè da safran cun mel d'avieuls. Il tè da la ventira. Gaby Degonda

15 / 19

Legenda: Safran en il murter Per che il safran po colurar il risott, ston ins smatgar ils fils en il murter. Gaby Degonda

16 / 19

Legenda: Situaziun 28 d'october 2021 Dis da bellazza cun notgs frestgas è temp ideal per il safran. Gaby Degonda

17 / 19

Legenda: Situaziun 1. da november 2021 Ina fina cozza da naiv cuvra igl er da safran. Quai na fa nagin donn. MAD

18 / 19

Legenda: Inschignus e speditiv Peider ed il fegl Mathias han creà char annex per simplifitgar la plontaziun da tschagulas. MAD

19 / 19

Legenda: Plontar tschagulas Cun l'invenziun para il semnar las tschagulas in tec pli simpel. MAD

In vegl proverbi di che baiver té da safran fetschia ventiraivel. Quai è vair! RTR n'ha betg sulettamain pudì baiver da quest té delizius, ma era pudì prender invista en la cultivaziun e la racolta da l'«aur cotschen» sin il bain puril da Claudia e Peider Michael a Donat. Igl è bain uschia che il safran ha ses origin en pajais dal Caschmir, Iran, Irac enfin tar la Spagna. Ma dapi 2014 ha il safran er chattà bun terren en Val Schons.

L’atun 2014 han Claudia e Peider Michael pudì far lur emprima racolta da safran, quai gist avant lur isch-chasa sin in er da 400 meters quadrats. Buns onns da racolta han ils Michaels dumbrà enfin 22'400 flurs. Quai èn passa 67 '000 fils da safran.

Igl è stà amur sin emprima vista. Tant la flur sco era la cultivaziun ans ha fascinà.

Durant il mais da november ans raschunan Claudia e Peider Michael da la cultivaziun, blera lavur a maun ma era co els han piglià fieu per questa flur fragila cun ils fils d’aur.

Pudair tegnair enta maun ils fils d'aur da questa bella flur violetta è la paja per tut las stentas.

Claudia e Peider Michael èn geniturs da trais uffants, Nicole 22, Patrick 19 e Mathias 16 onns. Sco i para è il safran ina producziun da famiglia, pertge tuts sa sentan responsabels per il success da la racolta.

Mia dunna è l'olma da la producziun da safran.

Tips e recepts co trair a niz l’aroma e la colur dals fils dorads che protan il sigil dal «Parc natiral Beverin», adina la mesemna en Radio RTR suenter las 10:15.