Ord ils pleds inoltrads fa ina classa rumantscha il text ed il cumponist Flavio Bundi è responsabel per la part musicala. In chor ad hoc preschenta lura LA CHANZUN DALS PLEDS. Accumpagnada vegn questa emissiun speziala da chanzuns cun il tema pleds e dad ulteriurs chors ad hoc.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Per la premiera da la chanzun dals pleds ha RTR tschertgà chantadurs e chantaduras rumantschas. Ensemen cun il cumponist e dirigent Flavio Bundi treneschan els questa saira tranter las 18.00 e las 20.00 uras La CHANZUN DALS PLEDS. L'emprova ha lieu en il studio da televisiun da RTR. A partir da las 19.00 vegn l'emprova emessa live en l'emissiun 'Noss chors' e medemamain en in livestream sin www.rtr.ch.
La primaudiziun da la chanzun è alura d'udir curt avant las 20.00.