Tgi che less midar sin Windows 11 sto sco emprim sa fatschentar cun la cumpatibilitad da ses laptop u computer. Microsoft ha numnadamain augmentà las premissas. Qua pudais sclerir sche l'update è pussibel.

Quatter vias al Windows 11

Sch'il test dat glisch verda, datti quatter metodas per far la midada:

• La funcziun dad update: Tar computers ch'èn cumpatibels cun Windows 11 vegn proponì suenter in temp da far l'update.
• L'assistent per l'update: Quest program chargia giu il sistem - alura pon ins far igl update.
• Il tool per stgaffir medias: Entras quel vegn stgaffì sin in usb u sin ina dvd in sistem per installar il medium. Quella via è d'avantatg sch'ins sto installar il sistem sin plirs computers u laptops.
• Il purtader da datas virtual: Quai è ina data che cuntegn l'entir medium d'installaziun. Quella pon ins duvrar per installar Windows 11 a moda virtuala.

Cunzunt l'emprima metoda, la funcziun dad update, è fitg simpla. I dovra simplamain in zic pazienzia fin che la proposta da Windows per in update vegn. Tgi che n'ha betg questa pazienzia duai chargiar giu l'assistent. Las ultimas opziuns èn plitost cumplitgadas ed insatge per profis.

Las datas per Windows 11 chattais Vus qua: Windows 11.