Siglir tar il cuntegn

Header

audio
La pagina che po dir, sche tes accounts èn corrumpads.
RTR
laschar ir. Durada: 4 minutas 47 Secundas.
cuntegn

HIBP - Co has ti cun leaks e breaches?

Facebook e LinkedIn han fatg lingias grassas quest onn cun breaches ni leaks. Pia che datas da lur utilisaders eran tuttenina accessbibels a tuts, ni che hackers han chattà la via tras lur sistems da segirezza. Ins n'è pia betg pli propi segir. Però co vegnir sinsur, sch'ins è vegnì haccà?

«Have I Been Pwned?» porscha in agid, sch'ins vul savair, sch'ins è sez insumma era pertutgà. HIBP è ina pagina d'internet privata ch'il cussegliader australian per segirezza en l'internet Troy Hunt ha creà il 2013. Finanzià cun donaziuns vegnan ins sinsur, sche l'atgna adressa dad e-mail u il pled-clav figurescha sin ina da las glistas che hacchers vendan online.

11 milliardas accounts da 566 websites haccadas

La pagina è en sesez ina aggregatur da bancas da datas dals leaks e breaches gronds e cumpeglia datas da 566 paginas d'internet haccadas. Tuna da pauc, n'èsi betg. Cumpigliads èn 11 milliardas accounts sin l'entir mund. Quai betg mo accounts da social media, mabain era plattafurmas da cartas da credit, firmas da telecommunicaziun, gaming e schooling, servetschds da cloud, paginas eroticas e da medias.

Controllar ed agir

Cun dar en l'adressa dad e-mail respunda la pagina, sche e nua che l'adressa ed eventualmain era il pled-clav èn tradids. Lura èsi sa chapescha gist da midar il pled-clav, quai era tar auters accounts cun il medem pled clav. En ina prevista vesins lura: Èsi datas da carta da credit, e-mail, user, plaid-clav u era auter.

Betg mintga annunzia è in problem

Betg adina èsi però propi in problem grond. Per part èsi era datas rimnadas automatic ord per exempel in cudesch da telefon electronic. Lura è il ristg ch'insatgi cumpra la glista ed ins survegn telefons da marketing – quai che po era esser stentus.

Restar sin il current

In servetsch spezial porscha HIBP cun la funcziun «notifyme» ch'ins po sa laschar infurmar, sch'ins cumpara tuttenina sin ina glista ch'in haccher vul vender.

Ideal anc adina: Midar regularmain pleds-clav

La meglra recumondaziun è però anc adina dad insumma midar ils pleds-clav regularmain. Quai na sto betg esser mintga di, ma pliras giadas l'onn. Quai per prevegnir – ch'ins gnanc na cumparia sin las glistas e dovria quest servetsch.

Dapli da «Il Digitip - il tip digital»

Scrollar a sanestra Scrollar a dretga