Lemprima premissa per savair ir a chatscha en il Grischun è davair passà cun success lexamen da chatscha. Il Grischun naccepta betga examens dad auters chantuns u auters pajais. Plinavant ston ils chatschaders preschantar plirs documents per savair retrair la patenta da chatscha. Quai èn:
- document didentitat
- il cudeschet per las patentas da chatscha
- il mussament davart l'assicuranza da responsabladad (Haftpflichtversicherung)
Plinavant dovra mintga chatschader e mintga chatschadra il formular suttascrit persunalmein. Cun quest formular conferma el u ella per exempel che larma da chatscha saja vegnida regulada persunalmain e chins ha ademplì lobligaziun da tir da chatscha. Il formular as chatta sin la pagina d'internet da l'Uffizi da chatscha e pestga dal Grischun.
Cura e nua pon las patentas da chatscha vegnidas retratgas?
Las patentas da chatscha auta, chatscha bassa e chatscha da tgira sin capricorns pon vegnir retratgas a partir da mardi ils 17 d'avust 2021 en differents lieus.
A Cuira en il Museum da la natira, quai da mardi fin sonda, da las 10:00 fin las 17:00. En ils districts da chatscha pon las patentas vegnir retratgas a partir da mardi ils 17 d'avust tar ils guardiaselvaschina.En mintga district da chatscha datti dus fin quatter lieus nua che las patentas pon vegnir retratgas. Per exempel en chasa da scola u chasa communala.
Sper retrair las patentas pon ins per part era laschar controllar las armas. Las localitads exactas par mintga district da chatscha sa chattan sin la pagina dinternet da l'Uffezi da chatscha e pestga dal Grischun.