Siglir tar il cuntegn

Header

audio
Nua dovr jau il certificat?
RTR
laschar ir. Durada: 03:23 minutas.
cuntegn

Cura e nua stoss jau mussar il certificat?

A partir da glindesdi, ils 13 da settember, dovri en l'entira Svizra in certificat per tschertas activitads. Qua las dumondas las pli impurtantas – e las respostas.

Nua dovr jau il certificat?

  • Per entrar endadens da restaurants, bars e discotecas
  • Per visitar teaters, kinos, museums, bibliotecas, zoos, casinos, centers da fitness, bogns cuverts
  • Per occurrenzas privatas che han lieu endadens (excepziun: la gruppa dumbra max. 30 persunas e s'enconuscha, guardà giusut)

Vala vinavant l'obligatori da mascra?
Per lieus ed occurrenzas, nua ch'i vala in obligatori da certificat, scrodan tut las ulteriuras mesiras da protecziun, tranter auter n'èsi era betg pli da purtar ina mascrina. Quai munta per exempel: Tgi che ha in certificat da Covid-19 po ir en ustaria senza mascrina.

Nua na dovr jau nagin certificat?

  • Per il traffic public, tar pendicularas, en butias e zonas da transit sin plazzas aviaticas
  • En il liber, p.ex. sin terrassas
  • Per occurrenzas privatas cun maximalmain 30 persunas
  • Per occurrenzas religiusas cun maximalmain 50 persunas
  • Sesidas da parlaments e radunanzas communalas
  • Saluns da coiffeur, sesidas terapeuticas, purschidas socialas (p.ex. cuschina per persunas senza tetg)

Dapli da «Co e cum»avrir la landingpage

Scrollar a sanestra Scrollar a dretga