Ina spezialitad en trais variantas
En mintga regiun dal Grischun vegnan las liongias producidas in pau auter. L’emissiun Svizra Rumantscha «Cuntrasts» mussa trais exempels. La producziun da liongias en l’Engiadina, en il Surmeir ed en la Surselva.
La producziun industriala
Entant ch’ils purs mazzan anc lur portgs a chasa producescha la firma Spiess en Partenza products da charn a moda industriala. L’emissiun «Balcun tort» ha purtretà l’onn 1970 la firma cun sedia a Schiers. Il film d’archiv mussa la part nua che la producziun da liongias vegn fatga.
La sanguinusa
Ina liongia speziala che na gusta betg a mintgin: la liongia da sang. Il Telesguard ha filmà 1999 la producziun da liongias da sang en Val Müstair.
A la moda veglia
El producescha tut a maun a la moda veglia: il mazler nunprofessiunal Renato Giovanoli da Pila. La producziun emnila: 700 fin 800 liongias. In extract da l’emissiun Svizra Rumantscha da 1989 mussa la manufactura da liongias dal original da la Bregaglia.
L’exposiziun
Il Museum Retic a Cuira realisescha l’onn 2012 ina exposiziun sut il titel «Die Wurst – Eine Geschichte mit zwei Enden». Il Telesguard rapporta da l’exposiziun che sa fatschenta cun l’istorgia da la producziun da liongias.
Zappaditsch, ina pel e dus nufs
Liongias da truffels, andutgels, salsizs da muntanella – l’art da far bunas liongias.
L’emissiun da radio «La Marella» lascha raquintar in mazler ed in pur da muntogna davart la filosofia da far liongias. Tranter auter vegn ins sisura che mintga sort da liongia ha in’autra colur da corda e che las liongias vegnan fatgas ord vatgas pli veglias.
RR actualitad 11:00