Siglir tar il cuntegn

Header

audio
La producziun da liongias.
Or da Actualitad dals 15.10.2019.
laschar ir. Durada: 05:55 minutas.
cuntegn

L'archivar recumonda Tut ha ina fin – mo la liongia ha duas

Avant onns vegnivan ellas producidas l’atun durant la meztga da chasa, ozendi tutgan ellas durant l'entir onn tar las spezialitads culinaricas dals mazlers: las liongias ed ils andutgels en tut lur furmas e variantas pussaivlas.

Ina spezialitad en trais variantas

En mintga regiun dal Grischun vegnan las liongias producidas in pau auter. L’emissiun Svizra Rumantscha «Cuntrasts» mussa trais exempels. La producziun da liongias en l’Engiadina, en il Surmeir ed en la Surselva.

Video
Liongia – spezialitad 3 variantas - Svizra Rumantscha 21.12.2008
Or da L'archivar recumonda dals 21.12.2008.
laschar ir

La producziun industriala

Entant ch’ils purs mazzan anc lur portgs a chasa producescha la firma Spiess en Partenza products da charn a moda industriala. L’emissiun «Balcun tort» ha purtretà l’onn 1970 la firma cun sedia a Schiers. Il film d’archiv mussa la part nua che la producziun da liongias vegn fatga.

Video
La producziun industriala - Svizra Rumantscha 02.08.1970
Or da L'archivar recumonda dals 02.08.1970.
laschar ir

La sanguinusa

Ina liongia speziala che na gusta betg a mintgin: la liongia da sang. Il Telesguard ha filmà 1999 la producziun da liongias da sang en Val Müstair.

Video
La liongia da sang - Svizra Rumantscha 21.11.1999
Or da L'archivar recumonda dals 21.11.1999.
laschar ir

A la moda veglia

El producescha tut a maun a la moda veglia: il mazler nunprofessiunal Renato Giovanoli da Pila. La producziun emnila: 700 fin 800 liongias. In extract da l’emissiun Svizra Rumantscha da 1989 mussa la manufactura da liongias dal original da la Bregaglia.

Video
A la moda veglia - Svizra Rumantscha 30.04.1989
Or da L'archivar recumonda dals 30.04.1989.
laschar ir

L’exposiziun

Il Museum Retic a Cuira realisescha l’onn 2012 ina exposiziun sut il titel «Die Wurst – Eine Geschichte mit zwei Enden». Il Telesguard rapporta da l’exposiziun che sa fatschenta cun l’istorgia da la producziun da liongias.

Video
L'istorgia da la liongia - Telesguard 11.10.2011
Or da L'archivar recumonda dals 11.10.2011.
laschar ir

Zappaditsch, ina pel e dus nufs

Liongias da truffels, andutgels, salsizs da muntanella – l’art da far bunas liongias.

L’emissiun da radio «La Marella» lascha raquintar in mazler ed in pur da muntogna davart la filosofia da far liongias. Tranter auter vegn ins sisura che mintga sort da liongia ha in’autra colur da corda e che las liongias vegnan fatgas ord vatgas pli veglias.

RR actualitad 11:00