Siglir tar il cuntegn

Header

cuntegn

L'archivar recumonda Tschin, tschin, ve! – meztga da chasa

Pli baud eri pratica usitada ch’ils purs engraschavan portgs per lur basegn da charn. La meztga aveva lieu sin il bain puril l’atun u l’enviern. La racolta era en clavà. La batgaria era sco ina recumpensa per il prestà, en vista a tut il bun e delizius che la famiglia gidava legramain a preparar.

Sch’in pur aveva basegn d’agid cun mazzar e sventrar l’animal devi batgers che vegnivan a schurnada. Uschia vegniva fatg batgaria era tar la famiglia Caviezel a Martina avant var 30 onns.

Video
Svizra rumantscha - 06-01-1991
Or da L'archivar recumonda dals 01.10.2019.
laschar ir

Il pur Jachen Schlegel da Guarda ha la fortuna dad esser oriundamain mazler. Betg mo per quai, ma er per amur da la tradiziun ch’el vesa ir a perder cuntinuescha el cun persvasiun sia batgaria da chasa. E betg il davos bain er pervi da la «tschaina benedida»...

Video
Telesguard 22-11-2008
Or da L'archivar recumonda dals 01.10.2019.
laschar ir

Giuliana Columberg da Lumbrein è creschida si cun la tradiziun da la «mezca da casa». Perquai cumpra ella ussa in portg engraschà tar in pur e lascha vegnir il mazler a chasa. Per ella èsi in plaschair da preparar las liongias sco quai ch'ella ha emprendì da la mamma.

Video
Telesguard 30-11-2010
Or da L'archivar recumonda dals 01.10.2019.
laschar ir

Tge è sa midà?

Nora Casanova da Lumbrein sa regorda da la «mezca» en sia uffanza e giuventetgna:

Batgaria per part a chasa – agid professiunal en mazleria

Prescripziuns d'igiena e protecziun dals animals – tge resta da la tradiziun?

RR actualitad 11:00