Siglir tar il cuntegn

Header

video
Il temp da las grondas emissiuns directas - Direct da Tschlin
Or da Direct da … dals 28.06.1992.
laschar ir
cuntegn

L'archivar recumonda Play RTR - nossa memoria

Dapi 1963 datti emissiuns da televisiun da RTR, in enorm stgazi visual è sa rimnà durant quels passà 55 onns. Nus mettain quellas ivettas a vus sin il taglier. En Play RTR pudais vus ussa far in viadi tras ils ultims decennis. Fufragnai, guardai, smirvegliai !

Betg mo actualitad

La pagina rtr.ch porscha ina massa infurmaziuns actualas: texts, fotografias, videos, audios e graficas decleran tge che capita mintgadi en il Grischun. Ils artitgels mettan il focus sin temas spezials e miran davos lass culissas.

Tgi che less ir pli lunsch enavos per guardar da tge che RTR ha rapportà avant 25, 30 ni schizunt 50 onns sa far quai en Play RTR.

Là publitgain nus en il decurs dals proxims mais l'entira producziun da video a partir dal cumenzament da la Televisiun Rumantscha il 1963.

Dal «Dai dai dai» fin al «Péz a Cup»

Ils onns 80 e 90 era la Televisiun Rumantscha enconuschenta per ses gieus. Testas finas, Dai, dai dai, Contacts e Péz a cup èn anc oz enconuschentas per la generaziun da lez temp. Trais exempels.

Il Muschkito ha piztgà memia fitg

Ils onns 90 devi era tar RTR la satira. L'emissiun da cult ha dentant stuì ceder pervia da squitsch politic, memia nauscha saja la redacziun stada cun tscherts prominents e temas.

Play RTR - voss archiv per fufragnar

Visitai RTR e fufragnai - sin voss computer a chasa ni era sin il telefonin. Tschertgai tenor data ni tenor lieu - quai è la meglra varianta da chattar insatge.

RTR actualitad 11:00

Artitgels legids il pli savens

Scrollar a sanestra Scrollar a dretga