Siglir tar il cuntegn

Header

Indispensabel per ils viandants: ils mussavias.
Legenda: Indispensabel per ils viandants: ils mussavias. RTR
cuntegn

L'archivar recumonda Per trutgs e pitgognas

Il Grischun cun sia topografia e grondezza è in lieu predestinà per viandar. Far turas e gitas sur culms e vals è ina pitga impurtanta per il turissem. Magari vegni era viandà per protestar.

Protestar cun viandar

Ils onns 1980 crescha la resistenza envers las numerusas explotaziuns en il Grischun per realisar ovras idraulicas. Il Telesguard rapporta 1985 d’ina spassegiada da protesta per proteger la Greina d’ina ulteriura explotaziun entras ils concerns d'energia.

Video
Spassegiada per la Greina - Telesguard 21.09.1985
Or da L'archivar recumonda dals 03.09.2019.
laschar ir

Emprender cun viandar

En Val Lumnezia vegn avert il 2003 ina senda da viandar culturala. L’uniun Pro Val Lumnezia vul animar ils viandants d’approfundar lur enconuschientschas davart la natira e la val. Il Telesguard ha accumpagnà ils iniziants sin la senda culturala.

Video
Viandar en Val Lumnezia Telesguard 27.06.2003
Or da L'archivar recumonda dals 03.09.2019.
laschar ir

Viandar tranter Sot- e Surmeir

Viagiar en la bella regiun che collia la Val d’Alvra ed il Surses. L’emissiun Svizra Rumantscha realisescha 1985 in film d’in viadi sin la senda tranter Vaz/Muldain e Tusaun. Da vesair èn tranter auter maletgs spectaculars ord l’aria.

Video
Viandar tranter Sot- e Surmeir - Svizra Rumantscha 06.10.1985
Or da L'archivar recumonda dals 03.09.2019.
laschar ir

In viadi en Val Sumvitg

Ina bella val laterala en Surselva è la Val Sumvitg. Il viadi da l’emissiun Svizra Rumantscha 1990 entschaiva en l’ustaria da l’Erna Cathomas. E l’ustiera declera lura era gist, pertge che la glieud visita la val:

La Val Sumvitg ei ina val selvadia, ina val ch’ei aunc intacta.
Autur: Erna CathomasUstiera en Val Sumvitg
Video
In viadi en Val Sumvitg - Svizra Rumantscha 05.08.1990
Or da L'archivar recumonda dals 03.09.2019.
laschar ir

Sendas da viandar en il Grischun

L’onn 2006 festivescha la Cuminanza grischuna per las sendas da viandar (Bündner Wanderwege) il giubileum da 50 onns. La Televisiun Rumantscha realisescha per quest giubileum films cun divers aspects.

  • La fundaziun da la cuminanza
  • Marcar las sendas
  • Segirtad da las sendas

Ina senda istorica – la via Spluga

La Via Spluga per viandants è vegnida averta il 2001. Punct da partenza da la via istorica che vegn accumpagnada dal Telesguard è il vitg da Spleia. Il viadi cuntinuescha direcziun da l’ospizi sur ina punt da marmel alv. Da la vart taliana suonda la senda la via veglia dal pass fin a Chiavenna.

Video
La Via Spluga - Telesguard 23.08.2006
Or da L'archivar recumonda dals 03.09.2019.
laschar ir

RR actualitad 11:00