Siglir tar il cuntegn

Header

Video
Ils emprendists da la mazlaria Joos ad Andeer
Or da Telesguard dals 10.05.2000.
laschar ir
cuntegn

L'archivar recumonda Mazlarias dapertut

En la Val Müstair datti plans per ina nova mazlaria. La mazlaria a Vrin, da l'autra vart da noss chantun, ha pudì festivar il giubileum da 20 onns. Geograficamain tranteren datti differents manaschis da mazlers. Nus avain tschertgà en noss archiv.

Meztga per il Grischun Central a Realta Sut

Mintgatant datti en l'economia grischuna era la decentralisaziun. Per exempel l'onn 1999: perquai che la meztga a Cuira aveva serrà sias portas, han ils purs dal Grischun Central decidì da realisar ina atgna chasa da meztga. En quella chasa da meztga a Realta Sut vegniva mo mazzà, l'elavuraziun da la charn dueva succeder en las mazlarias da la regiun.

Video
Ina chasa da meztga per il Grischun Central 12.10.1999
Or da Telesguard dals 12.10.1999.
laschar ir

La mazlaria Joos ad Andeer daventa la mazlaria Viamala

Ina da quellas che elavurava la charn era da lez temp la mazlaria Joos ad Andeer. Il maister mazler Herbet Joos aveva dapi onns emprendists che faschevan mintgamai ils megliers examens d'emprendissadi.

Video
Ils emprendists da la mazlaria Joos ad Andeer
Or da Telesguard dals 10.05.2000.
laschar ir

La mazlaria Joos è la fin finala ida en ils mauns dals purs da la Val Schons. Gia in onn suenter la midada dal possessur e dal num è la bilantscha stada positiva.

Video
La mazlaria Viamala fa bilantscha suenter in onn
Or da Telesguard dals 25.10.2002.
laschar ir

Absurditads en Surselva ils onns 90

Ils onns 90 vegnan blers animals vendids e transportads en las chasas da meztga grondas da la Bassa – quai malgrà che las mazlarias pitschnas avessan gì capacitads da mazzar ed elavurar quels animals. Perquai èn ils mazlers da la regiun lura era sa sparunads cunter in center da meztga planisà a Glion.

Video
Las mazlarias en Surselva cumbattan in center da meztga a Glion
Or da Telesguard dals 26.02.1996.
laschar ir

Savognin e Scuol

En quels dus lieus datti mazlarias enconuschentas sur ils cunfins grischuns ora. L'onn 1998 ha la mazlaria Peduzzi a Savognin pudì festivar il giubileum da 60 onns.

Video
60 onns mazlaria Peduzzi a Savognin
Or da Telesguard dals 02.03.1998.
laschar ir

Ed a Scuol è la mazlaria Hatecke vegnida undrada l'onn 2005 – na betg per sia charn – mabain per il diever dal rumantsch exemplaric en sia interpresa. Il Rumantsch sco ingredienza economica.

Video
La charn rumantscha da Hatecke
Or da Telesguard dals 21.06.2005.
laschar ir

E schizunt concurrenzas internaziunalas hai dà

L'onn 1984 èn 18 mazlers giuvens, tranter quels duas giuvnas da 6 naziuns sa mesirads a la 14avla concurrenza internaziunala da prestaziun per promover la generaziun giuvna da mazlers. L'occurrenza ha gì lieu a Savognin.

Video
Concurrenza internaziunala da mazlers 09.06.1984
Or da L'archivar recumonda dals 17.09.2019.
laschar ir