Siglir tar il cuntegn

Header

Navigaziun

Protestas da lavurants en USA 1886.
Legenda: Protestas da lavurants en USA 1886. MAD
cuntegn

L'archivar recumonda L’emprim da matg – il di senza lavur

En blers pajais è l’emprim da matg in firà. Il di vala sco di internaziunal dals lavurants. Pauc attenziun chatta quel di dentant en il Grischun.

Il di da la lavur nua ch’ins ha liber

L’emprim da matg sco di da la lavur va enavos sin il «moving day» american. A Chicago è vegnì demonstrà 1886 l’emprima giada durant quel di. Pli tard è l’emprim da matg daventà il di internaziunal da la lavur. In film curt 2018 da RTR nouvo dat scleriment.

Legenda: Guardar il video Decleraziun 1. da matg Nouvo . Durada 01:12 minutas.
Or da L'archivar recumonda dals 28.04.2018.

L'emprim da matg è in firà, ma betg en il Grischun

En blers pajais ed era en tscherts chantuns da la Svizra è l'emprim da matg in di liber. Auter en il Grischun. Anc il 2015 ha il Cussegl grond renvià cleramain da declerar l'emprim da matg sco firà:

Ils sindicats sco motor da l'emprim da matg

Las demonstraziuns per cuntanscher bunas cundiziuns da lavur vegnan per ordinari organisadas dals sindicats. Ils sindicats uneschan las singulas vuschs dals lavurants. Savens vai per giustia sociala e per auzaments da paja.

«Nossa emissiun» en il Radio Rumantsch 1979 stat sut il titel: «Ils lavurants e lur represchentants». I va per ils sindicats e lur pussanza envers ils patruns.

Demos mo a Cuira

L’emprim da matg fiss il di per ils sindicats dad ir sin via a demonstrar. En il Grischun cun sias 150 valladas èn las demonstraziuns dentant raras. Demonstrà vegn praticamain mo en la chapitala.

Il Telesguard ha adina puspè rapportà ils davos onns da las demonstraziuns paschaivlas.

  • solidaritad 2001
  • lavur cun avegnir 2002
  • lavoro per tutti 2003

  • dapli supplements d’uffants 2004
  • egualitad da pajas 2006
  • dapli respect per ina lavur digna 2007

  • lavur per tuttas e tuts 2009
  • dapli protecziun, paja e renta 2012
  • paja minimala 2014

«Senza lavur è la vita lungurusa»

Il Radio Rumantsch ha realisà 2005 ina emissiun cun quel titel – ina emissiun per l’emprim da matg. A pled vegnan tranter auter in sindicalist ed in directur da banca.

RR actualitad 11:15