Siglir tar il cuntegn

Header

Ils originals: ils Fränzlis la fin dal 19avel tschientaner.
Legenda: Ils originals: ils Fränzlis la fin dal 19avel tschientaner. MAD
cuntegn

L'archivar recumonda Ils legendaris – ils Fränzlis da Tschlin

Musica da saut, musica allegraivla ma era musica melanconica. Quai è l'ierta da Franz Josef Waser. El ch’era tschorv ha cumponì durant il 19avel tschientaner blera musica populara ch’ha chattà la via fin en il 21avel tschientaner, grazia als Fränzlis da Tschlin.

Musicists cultiveschan l'ierta dals Fränzlis

Il vagabund Franz Josef Waser è mort 1895 cun mo 37 onns. Dad el exista nagina fossa e mo paucas fotografias. Dentant: Waser ha laschà enavos bleras cumposiziuns musicalas. Differentas persunas han nudà suenter la mort da Waser ses relasch musical sin palpiri cun tuns e notas.

Outlaws musicals la fin dal 19avel tschientaner: ils Fränzlis da Tschlin.
Legenda: Outlaws musicals la fin dal 19avel tschientaner: ils Fränzlis da Tschlin. MAD

L’emissiun Svizra Rumantscha è sa messa 1983 sin ils fastizs da Franz Josef Waser e ses Fränzlis da Tschlin.

Video
Musicists cultiveschan l'ierta dals Fränzlis
Or da L'archivar recumonda dals 11.09.1983.
laschar ir

Ils novs Fränzlis da Tschlin

L'onn 1982 sa furma ina nova chapella cun il num «Fränzlis da Tschlin». Fundada vegn quella dals frars Janett da Tschlin.

En in'emissiun Battaporta dal Radio Rumantsch 1984 preschenta in dals fundaturs, Domenic Janett, la nova furmaziun che vul tgirar vinavant la musica populara da Franz Josef Waser.

Musica per sautar

Ina emissiun da la Televisiun Svizra DRS preschenta 1991 sauts e chanzuns popularas da l’Engiadina. Ils Fränzlis da Tschlin dattan en il tun e mussan che lur musica è sco fatga per il saut.

Video
Musica per sautar
Or da L'archivar recumonda dals 04.09.1991.
laschar ir

Musica populara grischuna meets jazz

Novs cunfins surpassan ils Fränzlis da Tschlin il 1995. Els gughegian da cumbinar lur musica populara cun musica d'orchester da chombra e musica da jazz. L'emissiun Svizra Rumantscha rapporta da quest experiment.

Video
Musica populara grischuna meets jazz
Or da L'archivar recumonda dals 15.10.1995.
laschar ir

Live sin il palc – ma era giud la conserva

Ils Fränzlis da Tschlin dattan fitg blers concerts, nua ch’ins po vesair live lur abilitads e qualitads musicalas. Ina part da lur musica han els dentant era registrà. L’emprim disc cumpact «Pariampampam» cumpara 1996. Dals proxims dus discs rapporta la Televisiun Rumantscha.

Ils commembers tar ils Fränzlis da Tschlin:

  • Flurin Caviezel: 1982 - 2001
  • Anna Staschia Janett: dal 2014
  • Cristina Janett: dal 2012
  • Curdin Janett: dal 1982
  • Domenic Janett: dal 1982
  • Duri Janett: 1982 - 2012
  • Madlaina Janett: dal 2001
  • Men Steiner: 1982 - 2014

In quart tschientaner Fränzlis da Tschlin

Il 1982 han ils frars Janett fundà «ils novs» Fränzlis da Tschlin. Il 2007, cun adina puspè midadas da persunal, po la furmaziun festivar il 25avel onn d’existenza. Il Telesguard rapporta d'in concert da quest onn ch'ils Fränzlis dattan en l'Appenzell.

Video
In quart tschientaner Fränzlis da Tschlin
Or da L'archivar recumonda dals 20.01.2007.
laschar ir

RR actualitad 11:00