Siglir tar il cuntegn

Header

cuntegn

L'archivar recumonda Gea jau vi! L'amur è dapertut

Il mais da matg è il mais da l’amur, il mais cura che blers s’inamureschan, il mais cura che blers inamurads maridan. Radiotelevisiun Svizra Rumantscha ha adina puspè tematisà en sias emissiuns l'amur.

L’amur ha uschè bleras varts, ch’ella è bunamain nundescrivibla cun tut sias variaziuns e fassettas. La litteratura mundiala scriva bler sur da l’amur e sur dal far l'amur. Era las emissiuns litteraras da RTR sa deditgeschan adina puspè a l'amur en cudeschs e texts e fan las dumondas impurtantas.

Pertge ston ins defender la posiziun da missiunari?
Autur: Esther Krättli Redactura da litteratura RTR

Quai è in citat ord il Tavulin litterar dal 2013 che discutescha dus cudeschs che tractan l'amur.

audio
Amur en il Tavulin litterar
ord RTR Audio dals 17.02.2013.
laschar ir. Durada: 39 minutas 39 Secundas.

La rubrica litterara «Litteratur' ed amur» – dapi quest onn en il program dal radio rumantsch – analisescha scenas d'amur en la litteratura ed en texts rumantschs.

La Televisiun Rumantscha ha adina puspè filmà Rumantschs ch'han chattà l'amur sur cunfin.

Las nozzas

Nua ch'i dat amur èn las nozzas betg lunsch davent. Il Balcun tort dal 1968 mussa ina nozza a Riom:

video
Nozzas a Riom
Or da L’archivar recumonda dals 09.06.1968.
laschar ir. Durada: 4 minutas 6 Secundas.
Gea - jau vi!

Il 2005 è vegnì maridà a Falera.

video
Gea - jau vi - nozzas a Falera ier ed oz
Or da L’archivar recumonda dals 11.09.2005.
laschar ir. Durada: 24 minutas 49 Secundas.

Pur «ledi» tschertga…

Differents aspects en connex cun l’amur e maridaglias eran vegnidas tematisads da sias uras en il Radio Rumantsch. Per exempel purs ch’avevan miseria ils onns 80 da chattar dunnas. Giuvens che vulevan maridar ils onns 90 mo civil senza la baselgia e lura quai che capita adina puspè: Rumantschs che vegnan tutgads dal paliet da l’amur sur cunfin.

Giuventetgna ed amur

L'onn 2002 ha la Televisiun Rumantscha mussà en il film documentar «Giuventetgna dultsch utschi», co la generaziun giuvna en Surselva patratga sur d'amur, sexualitad e relaziun.

video
Giuventetgna dultsch utschi
Or da L’archivar recumonda dals 27.01.2002.
laschar ir. Durada: 48 minutas 22 Secundas.

Ed il Battaporta ès ì sin ils fastizs dad Oswald Kolle, il reschissur tudestg renumà per ses films da scleriment.

video
Sex fa spass
Or da L’archivar recumonda dals 18.03.2013.
laschar ir. Durada: 3 minutas 49 Secundas.

RR actualitad 11:00

Artitgels legids il pli savens