Siglir tar il cuntegn
Inhalt

L'archiv sco memoria L'archiv sco memoria

La squadra da l'archiv RTR ha mess ensemen diversas ivettas ord l'archiv per preschentar. Dals 19 fin ils 25 da schaner mintgamai las 11:15 en il radio rumantsch

fotografia nair ed alva, vista en la redacziun dal Radio Rumantsch
Legenda: Tempi passati: la redacziun da Radio Rumantsch d'antruras. RTR

En l'archiv da RTR sa chattan 2'000 uras contribuziuns ed emissiun da televisiun e radund 10'000 uras emissiuns e contribuziuns da radio. En tut questas emissiuns vegnan tractadas da tuttas tematicas: politica, economia, catastrofas, legras chaussas sco er istorgias dal mintgadi rumantsch. Il pli vegl material ch'ins chatta en l'archiv èn dals onns 1930 e 1940.

Intgins schatgs da questas istorgias ord l'archiv datti dals 19 da schaner fin ils 25 da schaner mintgamain las 11:15. La sonda datti er emissiuns da sport en il sportissimo dals 20 da schaner e la dumengia datti ina Marella che s'occupa medemamain cun istorgias ord ils archivs.

RR actualitad 11:00

Archiv RTR

L’archiv da Radiotelevisiun Svizra Rumantscha dat cun tuns e maletgs perditga da la vita en Grischun dals davos 70 onns. Quests ed auters documents radiofonics e televisivs chattais vus era sin rtr.ch/archiv