«Nu vezzaivat, pluffers, cha quai sun Austriacs!». E Nuot mussa sin in dals giasts cun dir: «Que ais Leopold da Habsburg!». Ils lumpazis cumenzan a far rudlar la crappa, ils turists en privel da mort sbragian e scappan.
Ils mattatschs eran stads inspirads da la battaglia da Morgarten ch'els avevan tractà en scola. Il forum dat in sguard en dus cudeschs da scola dals onns 1899 e 1959 e fa intgins patratgs sur dad in dals gronds mitus da l'istorgia svizra che vegn commemorà quests dis.