Siglir tar il cuntegn

Header

Iso Camartin
Legenda: Iso Camartin RTR
cuntegn

Il forum 2013-2014 Don Giovanni: Là ci darem la mano

Per blers amaturs da l’opera vala il Don Giovanni da Mozart sco il “non plus ultra” dal drama musical.

Quell’ovra na cuntegna betg mo arias, duets ed ensembles d’ina bellezza mirvegliusa, mo era ina maschaida strusch chapaivla tranter divertiment e schoc. Il suttitel da l’ovra di che Don Giovanni saja in “dissoluto punito”: in um sfarfatg senza cunfins e scrupels che stoppia chattar ses chastì.

Ma sche i na dess betg quest Don Giovanni, tge savessan nus insumma da la forza dal eros e dal regl dal surmanar? Nus tadlain in dals pli enconuschents duets da quest’ovra en quatter versiuns differentas.