Siglir tar il cuntegn

Header

Iso Camartin
Legenda: Iso Camartin RTR
cuntegn

Il forum 2011-2012 Richard Strauss: La dunna senza sumbriva

La sumbriva è il simbol da la fritgaivladad. La dunna senza sumbriva è quella che na sa betg parturir.

Per lètgs che giavischan figlialanza in destin crudaivel! Il poet Hugo von Hofmannsthal ed il cumponist Richard Strauss – dus artists cun bunas experientschas en lur collavuraziun – han stgaffì in’ovra cun in immens apparat da vuschs ed instruments che fa diever d’elements or dal mund da la paraula.

Il reginavel imperial ed il mund dals umans sa confrunteschan, striegn e magia intervegnan, enstagl d’ina vendita da la sumbriva cumenza in process da purificaziun e da chapientscha. La fin è seraina e diversas sumbrivas empermettan in futur prosperaivel. Il text è surchargià cun simbols, mo la musica da quella opera è fascinanta cun colurs ed atmosferas nunusitadas.