Robert Walser (1878-1956), in giuven scriptur cun penna fina, ironica e curaschusa emprova da far carriera en Svizra ed en Germania. Dentant na vegn el economicamain, malgrà ses success litterars, betg sin ina frastga verda. Suenter onns da cumbat per renconuschientscha rumpa sia gnerva, diagnosa: schizofrenia.
Ils ultims 25 onns da sia vita passenta el en ina clinica a Herisau. Ses roman "Der Gehülfe", publitgà il 1908, raquinta d'in giuven che emprova dad ir sia via cun esser servetschaivel e nizzaivel senza daventar servil u sclav: in juvel da la litteratura svizra dal 20avel tschientaner.
audio
Il gidanter da Robert Walser - 05.09.2009
ord RTR Audio dals 05.11.2018.
laschar ir. Durada: 29 minutas 31 Secundas.