Balser Giusep Vincens (1789-1858) è naschì sco figl d'in mercenari a Siat. Per mitschar da la povradad entra el gia cun 11 onns en servetsch militar. Cumbain che el deriva da relaziuns simplas e che el n'ha mai frequentà ina scola fa el carriera militara en Spagna e vegn nobilisà. El sa numna uss Baltasar Josef de Vincens barun de Friberg.
Sias visitas en patria fan furora e divers auters Sursilvans vulan ir en Spagna per far fortuna. Il plan da stabilir ina colonia grischuna en Spagna n'han dentant betg success. Il clima, la lavur e la cultura da la siesta na correspundan betg als emigrants.
audio
Il barun da Siat - 11.07.2009
ord RTR Audio dals 05.11.2018.
laschar ir. Durada: 29 minutas 14 Secundas.