Siglir tar il cuntegn

Archivar recumonda Sontgilcrest – ina festa da baselgia tradiziunala

La festa da Sontgilcrest vegn celebrada en las regiuns catolicas. En bleras vischnancas en il Grischun è la tradiziun da Sontgilcrest cun sias processiuns ida en emblidanza ils davos decennis. Mantegnì la festa da Sontgilcrest han lieus sco Domat, Breil e Sumvitg.

Ina gronda tradiziun a Domat.
Legenda: Sontgilcrest Ina gronda tradiziun a Domat. RTR

Domat – ina vischnanca cun grondas tradiziuns da baselgia

Fin al di dad oz è la festa da Sontgilcrest a Domat in grond di da festa. Il guardian da notg chanta la damaun il clom da sveglia. I suonda la processiun cun tamburs e schuldads en unifurmas veglias. Lura il servetsch divin festiv. La Televisiun Rumantscha aveva filmà il 1981 il di da Sontgilcrest a Domat.

Legende: Video Sontgilcrest a Domat 1981 abspielen. Laufzeit 17:00 Minuten.
Or da L'archivar recumonda dals 21.06.1981.
Eu quét qué super c’als giuvens han ong oz tschaffen da far Sontgalcrést. Schajoc marmugnanè sin tut.
Autur: Flora SegliasVischina da Domat

Ina spezialitad a Domat è la decoraziun da la baselgia il di da Sontgilcrest. Quella vegn ornada cun tschupels che vegnan fatgs cun dascha da pigns. Ina gronda lavur cumina che vegn fatga d’insaquantas dunnas da Domat durant plirs dis avant la festa.

Legende: Video Tschupels da Sontgilcrest per la Baselgia da Domat abspielen. Laufzeit 2:30 Minuten.
Or da L'archivar recumonda dals 06.06.2012.

Breil – engaschi da la giuventetgna

Per la festa da Sontgilcrest a Breil en Surselva s’engascha era fermamain l’uniun da giuventetgna. Giuvens e giuvnas fan liber il di da Sontgilcrest per pudair prender part a la processiun suenter il servetsch divin. Els ed ellas sa preschentan en unifurmas da festa. E quai che na dastga betg mancar: ils schluppets.

Legende: Video Engaschi da la giuventetgna tar Sontgilcrest a Breil abspielen. Laufzeit 3:21 Minuten.
Or da L'archivar recumonda dals 07.06.2007.
Senza las buis fuss la parada da Sontgilcrest per nus buc la dretga parada.
Autur: Annadora FribergPresidenta Uniun da giuventetgna Breil

Sumvitg – parada mo cun umens e mats

Ina veglia tradiziun a Sumvitg è la parada da Sontgilcrest cun umens e giuvens en unifurma. Tar quella parada èn dunnas e giuvnas exclusas. Ina tradiziun ch'è sa mantegnida era en il 21avel tschientaner.

Legende: Video Sontgilcrest a Sumvitg senza giuvnas e dunnas abspielen. Laufzeit 2:42 Minuten.
Or da L'archivar recumonda dals 04.06.2015.
Na, che mattas fan parada, gliez vegness mai en damonda tier nus!
Autur: Florian CajacobGiuven da Sumvitg

Sontgilcrest - festa catolica

La festa da l’eucaristia da la Baselgia catolica è mintgamai la gievgia da la segunda emna suenter Tschuncaisma. En il 13avel tschientaner ha papa Urban IV introducì Sontgilcrest sco festa per l’entira baselgia catolica. Celebrà vegn il corp sontg ed il sang da Jesus. L’expressiun latina è Corpus Christi. (wikipedia)

Sontgilcrest ils onns 1990 a Domat

Il Radio Rumantsch aveva accumpagnàin entir di las festivitads da Sontgilcrest en la vischnanca da Domat.

Commentaris

Navigation aufklappen Navigation zuklappen

Vus essas annunzià sco Who ? (whoareyou) (Sortir)

Nus avain survegnì voss commentari e mattin el online suenter ina controlla

Tschiffar in commentari

Per plaschair guardaì Netiquette 500 segns èn anc disponibels

I è capità in errur. Per plaschair anc ina giada empruvar.

I n'ha dà anc nagins commentaris. Scrivai il prim commentari.