Da la veglia scarsola en lain hai bain dà svilups en il decurs dal temp, particularmain per cursas sportivas. Remartgabel dentant, la construcziun classica ha survivì, malgrà che la concurrenza da vehichels moderns ord plastic e metal crescha ad in crescher. Schizunt ils giuvens che suondan gugent trends novs dovran l'in sper tschel senza cumplex.
5 versiuns da scarolsas en lain
En Svizra datti principalmain 5 versiuns da scarsolas classicas en lain. Tavau po sa gloriar d’avair dà la marca la pli derasada e renumada. La scarsola da Tavau vegn fabritgada dapi 1883. Il Grischun è vinavant preschent cun la scarsola d’Arosa (pli tard numnada «Schanfigger») e la scarsola da Bravuogn («Bergüner»). Concurrenza datti ord il Chantun Berna cun il «Grindelwaldner» ed il «Goldiwiler-Schlitten».
Uschia sa preschentan ils populars grischuns: «Bergüner» e «Davoser»
Da tuttas sorts urdains per scursalar, dad oz e da pli baud. Ina scursalada tras il temp ...
Manufactura da scarsolas
Quant Tavau è atgnamain cuntegnì en il «Davoser». Èsi anc in product tipic regiunal u «Made in China»? Dapli vegn ins a savair qua:
Il «Bergüner» stat adina in zic en la sumbriva dal «Partenzer» da la marca mundiala. Han ils da Bravuogn perquai vulì sa revantschar cun in record mundial? Guardai e smirvegliai!
Cursas legras sin scarsola
Scursalar per cumpetiziun n'è per ordinari betg spira tensiun e concurrenza stinada. Buna atmosfera, «gaudi» e star da cumpagnia fan er part dal spectacul. Quai vegn illustrà tant tar in campiunadi svizzer dal 1960 a Tavau sco tar cursas d'amaturs en Val d'Avras, Mumpé Medel e Sedrun.
RR actualitad mezdi 11:00