Siglir tar il cuntegn

Archivar recumonda La Schlitteda - atmosfera chauda sin fund d'enviern fraid ed alv

L'attracziun turistica dad oz, cunzunt en Engiadin'Ota, va enavos sin ina veglia tradiziun dals giuvens pèrins empermess u in spe.

Cuntrari ad oz gievan pli baud sulettamain giuvens cun ina giuvna u lur spusa en schlitta d’in vitg a l’auter. Uras allegraivlas cun spaisas, bavrondas e saut enramavan sco anc oz la festivitad. Uschia era a Sent l'onn 1980, nua che giuvens e giuvnas han laschà reviver «La Schlitteda» originala ed oriunda.

Legende: Video Telesguard abspielen. Laufzeit 3:11 Minuten.
Dals 12.01.1980.

En il decurs dal temp ed en tscherts lieus han cumenzà a sa participar er pèrs maridads e schlittas cun uffants. Per ils pitschens fan lur camarats pli vegls gugent da chaval sco qua a San Murezzan.

Legende: Video Tagesschau abspielen. Laufzeit 1:41 Minuten.
Dals 29.02.1964.

La pareta bella e festiva è in element central da la Schlitteda. Sa vestgir bain en costum dovra temp.

Legende: Video La schlitteda engiadinaisa abspielen. Laufzeit 1:14 Minuten.
Or da L'archivar recumonda dals 27.02.1994.

Betg main festivas e per part maiestusas sa preschentan er tschertas schlittas.

Usits vegls han oz puspè conjunctura, betg il davos tar la generaziun giuvna. È l’existenza da la Schlitteda pia garantida per l’avegnir? Ch'i saja la midada dal clima u betg, en l'absenza da l'element fundamental per la Schlitteda, numnadamain la naiv, han giuvens a Champfér demussà pragmatissem e flexibladad cun applitgar lur plan B.

Legende: Video Telesguard abspielen. Laufzeit 2:07 Minuten.
Dals 20.01.2007.

RR actualitad mezdi 11:00

«La Schlitteda»

  • Oriundamain envidava in giuven sia giuvna sin sia schlitta cun chaval. Al return envidava la giuvna ses giuven a tschaina.
  • Ozendi fan part era maridads ed uffants, ed i finescha cun ina festa communabla cun trais-cha – in saut.
  • L'usit è preschent oravant tut a Puntraschigna, Champfér, San Murezzan e Samedan – mo er en l'Engiadina Bassa.