Siglir tar il cuntegn

Header

cuntegn

L'archivar recumonda La nostalgia da vehichels vegls

Mecanica e design d'epoca fascineschan tant giuvens sco pli vegls.

Cun las emprimas fins d’emna chaudas e sitgas da primavaira sa dasdan els puspè en garaschas e remisas. Els sgolan ora per turas, sentupadas ed exposiziuns – ils oldtimers da tuttas sorts. Sin duas ni quatter rodas, cun alas, tant anteriurs vehichels da strapatsch sco aristocrats dapi lur naschientscha, respectiv construcziun. Sco veterans giaudan els passiun e premura eguala da lur possessurs. Els profiteschan dal trend «retro» che influenzescha schizunt furma ed interiur dad autos contemporans (exempels VW Beetle, Fiat 500 ed auters). Dentant nagut vala - sa chapescha – sco l’original.

video
Inscunter dad oldtimers a Cuira
Or da RTR dals 28.05.2005.
laschar ir. Durada: 39 Secundas.
audio
Hans Janutin ha restaurà in Ford Mustang Model 1964 - 07.07.2009
ord RTR Audio dals 29.06.2016.
laschar ir. Durada: 10 minutas 26 Secundas.

Anc ina classa pli auta: l'aviaziun

video
Engiadina Classics Samedan
Or da RTR dals 03.07.2010.
laschar ir. Durada: 48 Secundas.

En ils maletgs e tuns che noss archiv porscha n’èsi dentant betg las carossas americanas ed ils bolids a far la gronda parada. La passiun per mecanica veglia e design d’epoca reflectescha er il caracter pli mudest, muntagnard ed rural da nossa cuntrada.

Artitgels legids il pli savens