Siglir tar il cuntegn
cuntegn

Archivar recumonda La cursa da passlung legendara: il Maraton engiadinais

L‘Engiadin’Ota senza il Maraton da skis engiadinais na pon ins strusch s’imaginar. L’onn 1969 è vegnì organisà l’emprim Maraton da skis engiadinais. La cursa entschaiva a Malögia e finescha suenter 42km a S-chanf.

Millis curridurs al Maraton da skis engiadinais.
Legenda: Millis curridurs al Maraton da skis engiadinais. RTR

Il terz Maraton engiadinais 1971

Da quai da 4000 curriders han fatg part al maraton da l’onn 1971. Gudagnà la cursa ha Albert Giger da San Murezzan. Il film mussa impressiuns da la cursa atras l’Engiadina, l’arrivada a Zuoz cun ils aspectaturs sco era il victur Albert Giger.

Legenda: Guardar il video Terz Maraton da skis engiadinais. Durada 02:51 minutas.
Or da L'archivar recumonda dals 11.04.1971.

Il quart Maraton engiadinais 1972

En tut èn 4737 curriders sa participads a la cursa da 42.7 kilometers tranter Malögia e Zuoz. Il victur da la cursa era Flury Koch da San Murezzan. El è arrivà a Zuoz cun in nov temp da record da 2:01:30h.

Legenda: Guardar il video Flury Koch cun nov temp da record al Maraton da skis. Durada 01:02 minutas.
Or da L'archivar recumonda dals 02.04.1972.

Il 25avel Maraton engiadinais 1993

Il Maraton engiadinais ha pudì festivà il 1993 il giubileum da 25 onns. Il Telesguard da la Televisiun Rumantscha aveva dà in sguard enavos e mussà ils avantatgs e disavantatgs da la cursa spectaculara cun millis da curriders e curridras. E natiralmain cun ils incaps spectaculars en il guaud da Staz.

Legenda: Guardar il video Il 25avel Maraton engiadinais 1993. Durada 04:40 minutas.
Or da L'archivar recumonda dals 13.03.1993.

La seria: Il Maraton da skis engiadinais

Il 2008 ha il Maraton da skis engiadinais festivà sia 40avla ediziun. Il Telesguard da la Televisiun Rumantscha aveva rapportà ina entir'emna davart l'eveniment.