Siglir tar il cuntegn
cuntegn

Archivar recumonda L'industria en il Grischun ils onns 1960 e 70

1968 devan 266 manaschis industrials paun e gudogn ad 8’300 persunas, ubain a 20% dals occupads dal Grischun. Cunquai è creschida la muntada da l'industria per l'economia publica grischuna pli e pli sper las pitgas principalas da l'agricultura, dal traffic d'esters e dal commerzi e mastergn.

La muntada da l'industria en il Grischun crescha

Fabrica d’atschal Valmoesa, Fabrica da ponn Trun, fabrica da palpiri Landquart ubain fabrica da tschigulatta «Chocolat Grison». Quai èn be trais da 266 manaschis industrials ch’i deva ils onns 1960 e 70 en il Grischun. La repartiziun dals manaschis industrials sin las regiuns era malproporziunada. Ils manaschis eran domiciliads surtut en la cuntrada dal Rain ed anc en ils districts Moesa e Landquart part sura. Il balcun tort ha purtretà intgins da quels manaschis ils onns 1968 fin 1970. L’entschatta da quella seria ha il cusseglier guvernativ Leon Schlumpf fatg cun preschentar la situaziun actuala da l’industria en il Grischun:

Legenda: Guardar il video Pled Leon Schlumpf (Industrias Grischunas, 24-11-1968 1/4). Durada 03:29 minutas.
Or da L'archivar recumonda dals 24.11.1968.

Interpresas industrialas en il Grischun

Cliccar sin in dals puncts cotschens per guardar il film.

Legenda: Il balcun tort 1968 - 1970 RTR