Siglir tar il cuntegn

Header

Navigaziun

cuntegn

L'archivar recumonda Ils giuvens van, enavos stattan ils vegls

Las vals Grischunas sa svidan – ils vitgs moran ora. Quai aud'ins adina puspè. D'ina vart datti pli paucas naschientschas – da l’autra tschertgan ils giuvens adumbatten lavur. Els van en la Bassa a far emprendissadis ubain studegiar, e na turnan betg pli. In nov fenomen? Na, mussa l'archiv dad RTR.

«Cun la valisch en man»...

Um cun fist viandescha da la val ora
Legenda: Sin il viadi en l'ester RTR

... è ina contribuziun dal Balcun tort dal 1. da matg 1974. En quel mussa Ernst Denoth ch’ils giuvens e las giuvnas ston bandunar la patria per emprender ina clamada, las stentas da la regenza per meglierar la situaziun e las schanzas d’in return a chasa suenter la scolaziun e furmaziun.

Ün viadi da Scuol a Turitg düra pli ditg ch’in viadi da Turitg a New York
Autur: Ernst Denoth 1974Redactur Televisiun Rumantscha

Pertge va la giuventetgna davent?

Valischas a la staziun
Legenda: La dumengia saira a la staziun da Glion - las valischas en prontas RTR

Era il Radio Rumantsch è sa fatschentà ils onns 70 dal tschientaner passà da «l’emigraziun economica». En sia Scuntrada dals 21-06-1978 è Cristian Joos sa fatschentà da la dumonda «Pertge va la la giuventetgna davent, e tge pon ins far encunter?» A pled vegnan pertutgads, dentant era inspecturs da scola, scolasts, psicologs, cussegliaders da professiun ed il cusseglier guvernativ da lez temp, Otto Largiadèr. I va per motivs da l'emigraziun, pussaivladads da meglierar la situaziun, dentant era per udir da pertutgads, co els resentan la situaziun.

Quai è be entgins schatgs da la Scuntrada dals 21-06-1978. L'entira pudais vus tadlar qua.

Ils giuvens van, enavos restan ils vegls

Giuvnas e giuvens van en il tren a Glion
Legenda: Dumengia saira a Glion - sin viadi en la bassa RTR

Co resentan las vischnancas la depopulaziun? Quai ha la Televisiun rumantscha mussà ils onns 70 ed 80 cun differents purtrets da vischnancas, sco per exempel da Vnà, Rona e Medel – però era, co la Val Stussavgia vul far frunt a la depopulaziun.