Siglir tar il cuntegn
Inhalt

Archivar recumonda Il sessantotg en il Grischun

L’onn 1968 vala sco l’onn da las protestas e da la revoluziun. En il Grischun eran las protestas cunter la burgaisia praticamain nunexistentas. Las emissiuns da la Televisiun e dal Radio Rumantsch sa fatschentavan cun auters temas.

Las demonstraziuns han entschet il 1968 en l'USA.
Legenda: L'assassinat da Martin Luther King Las demonstraziuns han entschet il 1968 en l'USA. Keystone

Il moviment dal 1968 va sper il Grischun ora

Il moviment dal 68 cumpiglia surtut las activitads dals sanesters ch’eran activs ils onns 60 dal davos tschientaner. Entschet ha tut en ils Stadis Unids da l'America cun il cumbat dals afroamericans cunter ils alvs. Pli tard è il protest sa drizzà cunter la guerra en il Vietnam. L’unda da la revoluziun ha tschiffà ils medems onns l’Europa dal Vest, suandada da l’Europa da l’Ost cun ils stadis sut il reschim communist che pretendevan dapli democrazia.

Ils Janetts da Tschlin

Tge è capità il 1968 en il Grischun? En il focus da las contribuziuns dal Radio e da la Televisiun Rumantscha stevan temas main politics. L’atun dal 68 n’aveva la televisiun betg filmà ils «Rolling Stones», mabain la chapella ils «Janetts da Tschlin». Ina furmaziun cun armonica, clarinetta ed instruments da sturs. Il purtret dal Balcun tort sur da la chapella era vegnì accumpagnà da bels purtrets da chatscha.

Legende: Video Ils Janetts da Tschlin abspielen. Laufzeit 06:26 Minuten.
Or da L'archivar recumonda dals 13.10.1968.

Il brischavinars da Fuorns en Val Medel

A Fuorns en Val Medel existiva onns a la lunga ina hetta da brischar vinars. Brischà vegniva surtut ina sort: il vinars da giansauna che vala era sco medischina. Ina equipa da la Televisiun Rumantscha dal Balcun tort aveva laschà declerar il 1968 dal brischavinars Giusep Venzin l'entir proceder da la giansauna fin ch'il vinars vegn emplenì en la buttiglia. Era qua ina parallela cun il moviment dal 68: naginas drogas, persuenter vinars.

Legende: Video Il brischavinars da Fuorns abspielen. Laufzeit 06:56 Minuten.
Or da L'archivar recumonda dals 09.06.1968.

La planisaziun regiunala

Pervia dal svilup rasant dal turissem d’enviern steva in tema brisant sin l’agenda politica dal Grischun il 1968. Betg la revoluziun cunter la burgaisia, mabain la planisaziun locala e regiunala. Indirectamain aveva la tematica dentant era da far insatge cun il moviment dal 68. I gieva tranter auter per la protecziun da la cuntrada e da l’ambient. Persunas ord las differentas spartas dal mintgadi, per exempel in pur ed in architect, avevan dà pled e fatg a las dumondas da Tista Murk en l’emissiun da radio Patnal:

Da tschigulatta, cristals e skis

Ulteriurs temas il 1968 en la Televisiun Rumantscha:

  • l’industria grischuna cun l’exempel da la fabrica da tschigulatta «Grison»
  • ils cristals da las alps grischunas
  • il svilup dal ski ils davos decennis

RR actualitad 11:00