Siglir tar il cuntegn

Header

cuntegn

L'archivar recumonda Gieus olimpics – regurdientschas e reminiscenzas

Gieus olimpics d’enviern. Avant 90 ed avant 70 onns èn els vegnids organisads a San Murezzan. Dapi lura n’èsi betg pli reussì d’organisar ils gieus en il Grischun. Adina puspè han Rumantschs e Rumantschas fatg part a gieus olimpics.

Duas giadas gieus olimpics a San Murezzan

Tar ils emprims gieus olimpics d’enviern a San Murezzan il 1928 cumbattevan las sportistas ed ils sportists en 14 disciplinas per medaglias. 20 onns pli tard, il 1948, en 22 disciplinas. Ozendi mo pauc pli che regorda als gieus olimpics da San Murezzan. Il Telesguard era stà il 2008 sin ils fastizs dals gieus.

video
Video vom 30.01.2008, 13:38
Or da L’archivar recumonda dals 30.01.2008.
laschar ir. Durada: 2 minutas 5 Secundas.

Sapporo 1972 cun atlets rumantschs

Che Bernhard Russi ha gudagnà la cursa rapida als gieus olimpics a Sapporo en il Giapun è enconuschent. Main enconuschent è che las equipas da passlung e da bob eran bain dotadas cun atlets grischuns. Il Balcun tort aveva laschà raquintar quels avant la partenza en il Giapun da lur siemis da medaglias.

video
Sapporo 1972 cun atlets rumantschs
Or da L’archivar recumonda dals 30.01.1972.
laschar ir. Durada: 10 minutas 52 Secundas.

Nagin bainvegni suenter il return da Sapporo

Tar il return dal passlungist Giusep Dermon dals gieus olimpics da Sapporo n’hai dà nagin bainvegni. A la plazza aviatica a Turitg ha mo in buob dumandà in autogram. En sia patria a Mustér n’ha nagin beneventà el. L’atlet è stà fidaivel al passlung fin al di dad oz. Il Telesguard aveva visità Giusep Dermon 40 onns suenter ils gieus olimpics en sia nova patria en il Liechtenstein.

video
Sulet in buob ha vulì in autogram
Or da L’archivar recumonda dals 09.02.2012.
laschar ir. Durada: 3 minutas 15 Secundas.

Regurdientschas d’Engiadinais dals gieus olimpics

Adina puspè fatg part ni collavurà per gieus olimpics han persunas da l’Engiadina. Il schurnalist da RTR Jachen Prevost aveva laschà raquintar quatter da quellas persunas ils onns 1990 reminiscenzas da differents gieus olimpics.

Marcella Maier – gieus olimpics San Murezzan 1948

Ina da las persunas ch’ha lavurà per l’organisaziun dals gieus olimpics il 1948 a San Murezzan è Marcella Maier (*1921).

audio
Marcella Maier - gieus olimpics 1948
ord RTR Audio dals 15.02.2018.
laschar ir. Durada: 10 minutas 32 Secundas.

Dumeng Giovanoli - gieus olimpics Grenoble 1968

Il hotelier pensiunà da Segl Dumeng Giovanoli (* 23.01.1941) è ì il 1968 sco favorit en la disciplina ski alpin slalom als gieus olimpics a Grenoble en Frantscha.

audio
Dumeng Giovanoli - gieus olimpics Grenoble 1968
ord RTR Audio dals 15.02.2018.
laschar ir. Durada: 13 minutas 1 Secunda.

Werner Camichel – gieus olimpics Sapporo 1972

Il magister da sport ed atlet da Zuoz Werner Camichel (* 26.01.1945 - † 27. 03. 2006) ha pudì sa partecipar il 1972 als gieus olimpics a Sapporo, ils emprims en Asia. Werner Camichel fascheva part da l’equipa dal bob a quatter da Jean Wicky.

audio
Werner Camichel – gieus olimpics Sapporo 1972
ord RTR Audio dals 15.02.2018.
laschar ir. Durada: 8 minutas 2 Secundas.

Giachem Guidon – gieus olimpics Sarajewo 1994

Il passlungist da Bever Giachem Guidon (*04.09.1961) è sta passlungist dal 1982 fin il 1994. El ha fatg part 4 giadas a gieus olimpics. Ses meglier resultat è stà la 12 avla plazza tar ils 15 km da la concurrenza da passlung a Sarajewo l’onn 1984.

audio
Giachem Guidon – gieus olimpics Sarajewo 1994
ord RTR Audio dals 15.02.2018.
laschar ir. Durada: 6 minutas 21 Secundas.

Il cumbat per gieus olimpics il 1988 en il Grischun

40 onns suenter ils davos gieus olimpics en il Grischun (1948 a San Murezzan) duevan ils gieus puspè vegnids organisads il 1988 en noss chantun. Ma las opiniuns eran divididas. Quai era vegnì fatg transparent il 1980 en il Telesguard.

video
Il cumbat per gieus olimpics il 1988 en il Grischun
Or da L’archivar recumonda dals 16.02.1980.
laschar ir. Durada: 5 minutas 11 Secundas.

Artitgels legids il pli savens