La pestga en il Grischun
Per pudair garantir ina pestga sauna en ils flums ed en ils lais ston las auas vegnir survegliadas e controlladas. Quai è ditg vegnì tralaschà en il Grischun. Per exempel ils onns da la conjunctura auta cun la construcziun da mirs da fermada. In film da Svizra Rumantscha aveva mussà ils onns 80 co ch’il dumber da peschs era sa reducì pervia da las intervenziuns artifizialas dals umans.
En il Grischun vegn introduci ina statistica dals peschs che vegnan pigliads
Las malauras fan donn a la pestga
Las fermas malauras il 1987 en il Grischun han gì consequenzas fatalas per la pestga. Las auas grondas han lavà ora blers flums e destruì ils peschs e l’ova dals peschs. La Svizra Rumantscha aveva visità differents lieus pertutgads en il Grischun:
La stgala da peschs a Domat
La construcziun dal rempar idraulic da las ovras electricas Reichenau SA a Domat ha bloccà per bunamain 40 onns la via per ils peschs en Surselva ed en Valragn. Suenter lungas discussiuns è vegnida realisada ina stgala da peschs. Sco ils Cuntrasts da la Televisiun Rumantscha han rapportà l’onn 2000 eran ils pestgaders fitg cuntents cun questa stgala.
I dat bainprest dapli pestgaders che peschs.
La frega da peschs
Co funcziunescha la frega da peschs da tutta fradaglia il mais da november? Quai aveva interessà il 1961 il reporter dal Radio Rumantsch Tista Murk. El era viagià cun ses microfon a la riva dal En e realisà cun ils pestgaders da San Murezzan ina reportascha.
Betg quel che pestga prudent, mabain quel che pestga ils blers ed ils gronds peschs è il campiun.
Auas mortas
Ils onns 70 dal davos tschientaner eran blers flums contaminads ed impestads cun rauba da tuttas sorts. En Engiadin’Ota aveva il tartagnament dals flums manà tar ina muria dals peschs. Ina malsogna cun in virus aveva decimà ina gronda part dals peschs. Il Balcun tort aveva realisà in film cun maletgs impressiunants al lieu. A pled era vegnì tranter auter il giuven Peider Ratti ch’è daventà pli tard inspectur chantunal da chatscha e pestga.
RR actualitad 11:00