Siglir tar il cuntegn

Header

cuntegn

Vail / Beaver Creek 2015 «Good evening Vail / Beaver Creek»

Sco unica skiunza svizra va Lara Gut sco defensura d’ina medaglia al campiunadi mundial da ski alpin a Vail / Beaver Creek.

En il super G è Lara Gut la vice-campiunessa mundiala. Basta quai questa giada per in titel? Dattan Nadja Inglin-Kamer, Fabienne Suter e Sandro Viletta puspè per paucas sper il podest giu? Tut las reacziuns, las istorgias legras e da quellas pli dramaticas datti en l’actual da la saira.

03.02.2015: Emprima cursa – emprima schanza da medaglia per la Svizra

Cun il Super-G da las dunnas vegn il campiunadi mundial da skis per propi lantschà questa saira a Vail / Beaver Creek. Per la Svizra partan trais skiunzas, duas dad ellas han bunas schanzas sin ina medaglia, ina vala schizunt sco gronda favurita.

04.02.2015: Janka e Caviezel emprovan da gudagnar l'emprima medaglia

Ussa vai er liber per ils umens al campiunadi mundial da skis a Vail/Beaver Creek. En l'emprima cursa, il Super-G, partan per la Svizra sper Didier Défago e Patrick Küng er ils dus grischuns Carlo Janka e Mauro Caviezel. Janka ha bunas regurdientschas da la pista Birds of Prey. Il 2009 aveva il campiun mundial e campiun olimpic da Sursaissa gudagnà gist 3 cursas en 3 dis sin questa pista, dentant betg en il Super-G. En questa disciplina n'è Janka anc mai stà sisum il podest. Per Mauro Caviezel èsi ina premiera. El va numnadamain per l'emprima gia insuma a la partenza ad ina cursa dad in campiunadi mundial. Ina pitschna victoria ha Caviezel gia pudì festivar quest'emna en l'America dal Nord. Mauro Caviezel ha gudagnà la qualificaziun interna per quest Super-G encunter Beat Feuz e Sandro Viletta.

05.02.2015: Super-G dals umens è vegnì spustà

Ier èsi stà nunpussaivel da manar tras il Super-G dals umens. La cursa è vegnida spustada sin oz. Suenter che las skiunzas n’han betg gist fatg gronda furora en il Super-G emprovan uss il umens da far meglier. E dus skiunz dattan oz schizunt in comeback, numnadamain il norvegiais Aksel Svindal e l’american Bode Miller.

Partenza per il Super-G dals umens è questa saira a las 19.00 uras. Ils Svizzers partan cun ils numers 4 Mauro Caviezel, 11 Carlo Janka, 16 Patrick Küng e 22 Didier Défago.

06.02.2015: Segunda schanza per las skiunzas Svizras en cursa rapida

L’emprima cursa il Super G da las donnas è crudà per las skiunzas Svizras en l’aua. La meglra Svizra è stada Lara Gut sco setavla. Uss han las skiunzas Svizra la segunda schanza tar il champiunadi mundial a Vail Beaver Creek. Era tar la cursa rapida è Lara Gut ina da las favuritas. Ensemen cun Fabienne Suter attatga ella il podest.

09.02.2015: Prevista sin la cursa super-cumbinaziun da las dunnas

Far meglier ch’il umens ier saira, quai è la devisa da las skiunzas svizras en la super-cumbinaziun da questa saira. A la partida van dentant mo duas svizras, Lara Gut e Priska Nufer. Durant che Lara Gut emprova da gudagnar sia segunda medaglia a quest campiunadi mundial a Vail/Beaver Creek è la finamira da Priska Nufer da realisar in bun resultat en sia segunda cursa al eveniment grond.

10.02.2015: Prevista sin la concurrenza da las naziuns

Tgenina è la naziun numer in da skis? Atgnamain clar, per il mument è quest l’Austria. Quest era sch’ins dad in’egliada sin il spievel da medaglias dal campiunadi mundial a Vail/Beaver Creek. Ils Austriacs han gia gudagnà sis medaglias, trais dad aur. Oz cumbattan las naziuns in’encunter l’autra, al uschenumnà Team Event. Quatter skiunzas e skiunzs cumbattan en in slalom parallel. La naziun che gudogna il duel fa il pass en la proxima runda. Alla partenza è natiralmain era la Svizra.

11.02.2015: Bruno Pfister e sia segunda patria a Colorado

Bruno Pfister da Schlans enconuscha il stadi da Colorado sco ses agen satg. Pfister lavura a Turitg per la firma svizra Kissling che producescha sistems da mecanissem per runals e sutgeras. Oz venda Bruno Pfister quels products sin l’entir mund, oravant tut en ils Stadis Unids, in da las fieras impurtantas. Avant ha Bruno Pfister er lavurà sin montascha ed ha qua tras er lavurà durant dus onns en ils Stadis Unids. Cun far il proxim viadi da fatschenta en il stadi da Colorado ha Pfister gist visità il campiunadi mundial da skis a Vail / Beaver Creek.

12.02.2015: Dominique Gisin dat mai si

Dominique Gisin stà adina puspè si. La champiunessa olimpica è crudada ier avant 3 emnas a Cortia, tuttina è ella da la partida al champiunadi mundial e parta en il slalom gigant. Las terapias che Dominique Gisin ha fatg dapi sia crudada funcziunan fitg bain, perquai ha ella decis dad ir a la partenza dal slalom gigant da questa saira.

Partenza per il slalom gigant da las dunnas è questa saira a las 18.00 uras. Las Svizras partan cun ils numers 9 Lara Gut, 17 Dominique Gisin, 30 Wendy Holdener e 30 Michelle Gisin.

13.02.2015: Janka e Caviezel vulan procurar per ina surpraisa

En il slalom gigant dals umens na partan ils skiunzs svizzers betg sco ils favurits. Il quartet cun ils dus grischuns Carlo Janka e Gino Caviezel, e cun Elia Zurbriggen e Justin Murisier vul dentant procurar per ina surpraisa en questa disciplina da basa. Las meglras cartas han franc e segir Janka e Caviezel. Omadus dovran dentant in exploit per cuntanscher in plaz da podest.

Artitgels legids il pli savens