Siglir tar il cuntegn

Header

cuntegn

Regiunal US Schluein Glion: Vinavant sco enfin qua

Cun sis puncts suenter la runda d’atun è l'US Schluein Glion era il quart onn en la segunda liga regiunala en il cumbat cunter la relegaziun. Vitiers datti differentas opiniuns davart la strategia. Ina discussiun la sonda passada ha duì procurar per in consens.

Ils ins vulan far tut il pussibel per restar en la segunda liga regiunala, era engaschar vinavant giugaders esters. Ils auters vulan giugar surtut cun ils giugaders indigens. Ils commembers dil club, ils funcziunaris ed il giugaders èn s’inscuntrads la sonda passada per discutar il futur.

Simon Lutz avant il stadion a Schluein.
Legenda: Simon Lutz vul restar cun sia emprima equipa en la segunda liga regiunala. RTR
Jeu sun perschuadius ch'ins sto riscar zatgei sch'ins vul ver success.
Autur: Simon Lutz president US Schluein Glion

Il resultat è che nagut vegn a sa midar per il mument vid la strategia. Tenor il president Simon Lutz saja il cader memia pitschen, quel stoppian ins rinforzar. Ma ils giugaders indigens n’èn betg tuts pronts da giugar cun l’emprima equipa. Perquai dovria quai novs giugaders esters. Els vegnan ad ir a la tschertga dad in u l’auter giugader.

audio
US Schluein Glion: nagina nova strategia
ord Actualitad dals 01.12.2016.
laschar ir. Durada: 2 minutas 19 Secundas.

Anc nagins candidats per nov president

Il president actual Simon Lutz aveva gia communitgà avant in pèr mais ch’el vegni a dar giu ses post il 2017, quai suenter nov onns en uffizi.

A la radunanza extraordinaria n’èsi dentant betg reussì da chattar candidats per sia successiun al timun da l'USSI. Ins ha dentant fundà ina cumissiun da tschertga che duai chattar in nov president.

RR actualitad 17:00

Artitgels legids il pli savens