Senza ils frars Cologna na dessi betg etappas dal Tour de ski en Val Müstair.
Suenter ils emprims success da Dario Cologna en il Tour de ski l’onn 2009 e la victoria da la cuppa mundiala generala da passlung han ins cumenzà en Val Müstair da s’occupar cun in’eventuala candidatura sco lieu d’occurrenza dal Tour de Ski. Ensemen cun Lai ha la Val Müstair survegnì trais giadas etappas dal Tour de Ski.
Adina alternant cun la regiun da passlung en il Grischun Central ils onns 2013, 2015 e per l’ultima giada l’onn 2017. Questa giada dentant gist cun duas etappas. L'emprim spetga il sprint e lura da Bumaun etappas da distanza lunga.
Las temperaturas miaivlas han fatg a nus duas giadas in stritg atras il quint. Nus avain stuì interrumper l’ennavada. En duas emnas essan nus dentant pront.
Gia uss ha la FIS, la Federaziun internaziunala da skis, dà glisch verda per la loipa dal sprint. En Val èn ins da buna speranza, ch'era il traject lung da 2,5 kilometers per las cursas da distanza è pront sin la fin da l’onn.
Uschia stat era a la terza ediziun dal Tour de ski en Val Müstair nagut pli en pes.
RR actualitad 08:00
