Siglir tar il cuntegn

Header

cuntegn

Regiunal Piranha Cuira stat en il final

L’equipa grischuna ha gudagnà la seria da mezfinal encunter Berna Burgdorf cun 3:1 victorias e stat cun quai en il final.

Era sche la seria para d'esser clera eran quasi tuttas partidas fitg stretgas. Gia las emprimas duas partidas da la seria da mezfinal èn vegnidas decisas cun be in gol differenza. Ed uschia esi era stà durant il quart duel a Burgdorf.

La decisiun è pir crudada en la lutga da penaltis. Qua ha Piranha Cuira gì dapli fortuna e decis la lutga da penaltis cun 3:2. En il final s’entaupa Piranha Cuira ils 22 d'avrigl cun Dietlikon. L’equipa turitgaisa aveva gudagnà la seria da mezfinal encunter Winterthur.

RR novitads 20:00

Artitgels legids il pli savens