Siglir tar il cuntegn

Header

cuntegn

Hockey regiunal Premiera per HC Partenz-Signuradi

Per l’emprima giada en l’istorgia dal club dastga il HC Partenz-Signuradi giugar en l’emprima liga da hockey sin glatsch. Suenter ver dominà ils davos onns la segunda liga ha il Club fatg in pass da stgala si.

audio
Bunura:HC Partenz-Signuradi, prevista sin nova stagiun en 1. liga
ord Actualitad dals 19.09.2017.
laschar ir. Durada: 2 minutas 29 Secundas.

Auter ch’ils davos onns n’è il Club da hockey Partenz-Signuradi en la nova stagiun 2017/2018 dentant betg pli en la rolla da favurit. Tuttina saja la finamira er en questa stagiun da cuntanscher ils playoffs, uschia Umberto Seiler, il goli da Partenz-Signuradi.

7 giugaders da Cuira

En vista a la nova stagiun en emprima liga hai er dà grondas midadas en il club. Partenz-Signuradi ha engaschà gist set giugaders dal EHC Cuira. Quai èn Jann Däscher, Lukas Willi, Casey Hemopo, Marc Naef, Nico Casanova, Stefano Raganato e Roland Durisch. Plinavant è turnà enavos en il Partenza Gian-Marco Schumacher ch’ha passentà il davos temp en il Canada.

audio
Sportissimo: discurs cun Umberto Seiler, goli tar il HC Partenz-Signuradi
ord Sportissimo dals 20.09.2017.
laschar ir. Durada: 5 minutas 26 Secundas.

La nova stagiun cumenza per il HC Partenz-Signuradi la sonda, ils 23 da settember, cun il gieu ordaifer encunter Pikes Oberthurgau. In dals puncts culminants suonda la fin october cun il derbi cunter l’EHC Arosa, il sulet derbi grischun en questa emprima liga da hockey.

RR actualitad 07:00

Artitgels legids il pli savens