Siglir tar il cuntegn

Header

cuntegn

Naziunal/Internaziunal Triumf norvegiais en la staffetta da las dunnas

Il quartet norvegiais cun ils dus stars Marit Björgen e Therese Johaug ha pudì defender a moda suverana il titel en la staffetta da 4 gia 5 kilometers al campiunadi mundial da ski nordic a Falun en la Svezia. En in sprint final ha la Svezia gudagnà argient avant la Finlanda.

Heidi Weng, Therese Johaug, Astrid Jacobsen e Marit Björgen han la finala battì las Svedaisas cun la campiunessa mundiala sur 10 kilometers, Charlotte Kalla, per passa ina mesa minuta. Cunquai ha la naziun da passlung la Norvegia er mussà ina reacziun sin las terradas en las davosas duas cursas.

Per la regina dal sport da passlung, la norvegiaisa Marit Björgen, èsi gia la 14avla medaglia dad aur ad in campiunadi mundial. Cunquai ha ella egualisà il record da la russa Jelene Välbe.

Ina staffetta svizra n’è betg stada a la partenza. Damaun en la staffetta dals umens sur 4 gia 10 kilometers partan lura per la Svizra il quartet cun Dario Cologna, Toni Livers, Jonas Baumann e Ueli Schnider.

RR novitads 15:00

Artitgels legids il pli savens