Siglir tar il cuntegn

Header

cuntegn

San Murezzan 2017 Blera musica rumantscha a San Murezzan

Liricas Analas, Pascal Gamboni, Giganto & Mattiu e Prefix han procurà per bun’atmosfera a San Murezzan. Avant ils concerts han els visita nus en il studio amez San Murezzan.

Pascal Gamboni n'ha anc vis gnanc’ina cursa

audio
Pascal Gamboni dat resposta a las dumondas e suna gist anc live
ord Actualitad dals 17.02.2017.
laschar ir. Durada: 7 minutas 49 Secundas.

Sco Tuatschin è Pascal Gamboni creschì si en las muntognas. Sia gronda passiun è dentant la musica – uschia ch'el n'ha anc vis gnanc ina cursa da quests campiunadis mundials a San Murezzan. Cunquai ch’el na guardia betg televisiun saja quai ì spersavi ad el. El ha sunà da las 16:00 e las 17:00 sin la Plazza Mauritius davant la chasa communala.

«Quai faschain ina giada en nossa vita»

Prefix ha visita al RTR en il studio amez San Murezzan.
Legenda: Prefix han visità RTR en il studio amez San Murezzan. RTR, Andrin Kienz
audio
Prefix avant lur grond concert i'l Kulm Parc
ord Actualitad dals 17.02.2017.
laschar ir. Durada: 5 minutas 20 Secundas.

Prefix existan dapi il 1999. En tut quels onns han els pudì dar numerus concerts. Il concert questa saira sco preband da las Liricas Analas sin il Kulm Parc saja dentant schon in punct culminant en l’istorgia da lur band. Perquai ha la band era filmà lur concert ed edescha lura ina DVD per ils fans ch'han sustegnì els durant tut quels onns. Il film vegn lura publitgà questa primavaira. A l'entschatta han els dentant vulì giudair la saira musicala tut speciala.

«Quai puter n'è betg uschè simpel»

video
Quiz engiadinais cun las Liricas Analas
Or da Actualitad dals 18.02.2017.
laschar ir. Durada: 3 minutas 17 Secundas.

Las Liricas Analas èn probablamain la pli famusa band rumantscha. Els han gia pudì star sin ils pli gronds palcs da festival en Svizra ed han era gia attratg attenziun sur ils cunfins ora. Hits sco «Siemis» ni «Back cun Slang» enconusch’ins era en la Bassa. Venderdi saira han els sunà en il Kulm Park. Curt avant han els visità nus en il studio per in quiz engiadinais.

«Ils proxims onns fa mintgin sia musica»

Giganto & Mattiu - bainbaud puspè solo sin tribuna
Legenda: Giganto & Mattiu - bainbaud puspè solo sin tribuna RTR/ A. Kienz

Giganto & Mattiu han durant l'ultim onn procurà per numerusas festas rumantschas, quai era sur ils cunfins dal chantun ora. Il mix da chant e rap ha era chattà interess tar emetturs da radio ella bassa. Ussa vul Mattiu far in album sulet ed era Giganto va en l'exteriur per trais emnas a far nova musica. Ch’els na fan betg pli ensemen musica na vul betg dir ch’els na han pli bun in cun l’auter, mabain ch’els vulan simplamain realisar lur siemis persunals.

audio
Tge capita cun Giganto & Mattiu?
ord Actualitad dals 18.02.2017.
laschar ir. Durada: 3 minutas 16 Secundas.

Suenter quests projects da solo èsi bun pussibel ch’els vegnan puspè a far ensemen musica. Quai vegn dentant per ad esser en in pèr onns. Tgi che vul anc ina giada ir a tadlar els sto far quai anc questa primavaira tar in da lur ultims concerts communabels.

RR actualitad 15:00 - 17:00

Artitgels legids il pli savens